[A:98]
gnyis pa byang sems sdom pa'i yon tan rdzogs tshul ni/ theg chen brtse ba gzhan phan byang chub sems/ /gsung rab kun gyi snying por legs gzigs nas| |byang sems sdom pa'i yon tan kun rdzogs pa'i/ /brtse chen rgyal ba'i sras la gsol ba 'debs/ /zhes pa ste/ spyir bla na med pa'i byang chub don du gnyer bas ni/ rang nyid gcig pu zhi bde don du gnyer ba'i bsam sbyor kho na theg chen lam gyi gegs kyi gtso bor shes nas gzhan phan byang chub kyi sems la skyes bu'i rtsal ci yod kyis 'bad bar bya'o zhes mdo sde dang rgyud thams cad mgrin gcig tu gsung shing / stong nyid rtogs pa'i shes rab la yang lan gcig ma yin par bsngags mod kyi/ de rdzogs pa'i byang chub dang rgyal ba'i sras po bskyed pa'i thun mong gi rgyu ma lta bur gsungs la/ theg chen byang chub kyi sems ni/ thun mong ma yin pa'i rgyu pha dang 'dra bar gsungs pas theg chen gyi rtsa ba yin la/ de'i phy-ir gsung rab rin po che mtha' dag gi snying po yin te/ dam chos 'o ma bsrub pa las/ /mar gyi nying khu byung ba yin/ /zhes sogs mang du gsungs mod kyi/ yi ge mang bas 'jigs pas ma bris so/ /de lta na'ang bdag lta bu'i theg chen par khas 'che ba phal mo che dag ni/ sems bskyed kyi phan yon bsam gyis mi khyab pa mthong zhing dam bca'i tshig la brgya tshar gtong / sdom pa gsum ldan du rlom sems kyang / lag len la sbyor ba'i tshe/ sems can mtha' dag la pha mar shes nas drin du gzo ba dang / rang gces 'dzin bor nas gzhan don la 'jug pa lta zhogatshe 'di'i pha ma'i 'dod don khyad par can zhig dang / rang gi 'dod don phra mo zhig 'doms pa dang / gcig byas na