[A:99]gcig 'chor bar mthong ba'i tshe/ rang gi 'dod don kho na la 'jug par myong ba dang | mngon sum gyis yang yang grub la/ bdag nyid chen po 'di ni/ rang nyid kyi rnyed pa dang bkur sti dang / che thabs dang / grags pa dang / tshigs su bcad pa thams cad skyug pa'i zas bzhin du gzigs te/ sems can gzhan gyi phan pa dang bde ba'i ched du/ sku dang srog dang longs spyod thams cad ltos med du gtong ba legs par goms pas/ gong du brjod pa ltar/ nad pa la sogs pa'i sdug bsngal can gyi sdug bsngal sel ba'i ched du/ gzhan mang po'i nad g.yog yang dang yang du mdzad pa dang / dge ldan du chos don du gnyer ba'i zha'o khur nas chos rar khrid pa rgyun du mdzad pa dang / rtsesrtsed thang dang / lha sa la sogs par khrims gcod pas/ dbu la rgyug pa rgyab pas rgyug pa dum bu mang por chag pa lan mang du byung ba rnams la de ma thag tu blo sbyong bsgoms te/ thugs rgyud 'khrug pa tsam yang ma mdzad pa dang / gzhan yang / sku gsung thugs kyi spyod pa thams cad gzhan rgyud la zhe sdang skye ba'i rkyen du song na/ spyir zhe sdang lta bu'i sdig pa med pa dang / dgos byang sems la zhe sdang skyes na dge rtsa mang du chad par gsungs pa rnams gzigs te/ gzhan rgyud kyi nyon mongs bsrung ba la gtso bor mdzad pa sogs te/ 'gro ba rnams la gdol pa'i phru gu bzhin/ / rgyags dang nga rgyal dregs pa spangs nas ni/ /rigs btsun pa mi nye du'i tshogs bzhin du/ /rjes su mthun pa sgrub cing spyad par bgyi/ /zhes smon lam bdun cu pa las gsungs pa/ ji lta ba bzhin mdzad do/ /mdor na byang chub sems dpa'i sde snod kyi ma mo byang sa dang / mdo sde rgyan dang / bslab btus dang / spyod