[A:32]lan gcig mdzub mo g.yas pa na nas/ g.yon pas zhag shas 'bri ba yang byas/ dpe yig mgyogs tshad mda' tshad sum cu 'bri ba dang / smyug kha gang gi snag tshas mda' tshad yig 'phreng phyed dang gnyis ma 'bri ba dang / snga dro shog gu mang po'i nang log bris nas dgong mo/ phyi log bri ba lta bu ma byas na snag tsha mi skam par yun ring sgug dgos pa 'byung ba lta bu mgyogs par grags pa dang / lha bris dang ldelder sku dang rkos la sogs pa ma bslab par shes pa dang / phyis dus 'khor sdom 'byung sogs kyi phyag tshad legs par shes nas yi ger bkod pa sogs so/ /
gnyis pa ni/ phyi ma rgyud la sbyangs pa cung zad byas shing / khyad par dus 'khor nang le la mkhas pas/ nad brtag pa dang / 'byor ldan dang / kun spangs kyi sman brtain tshul shes pas/ rang lus la bad kan smug po'i nad dang / rgyang mig mi gsal ba snga mo nas yod kyang / che ru ye ma song ba'i ngang du gnas pa dang / gzhan la'ang phan pa cung zad sbyor mod kyi/ bstan pa'i bya ba chen po gzhan la shin tu gnod par snang bas/ shes tshul rgya cher ma bstan cing / yan lag brgyad pa chen po'i don bsdus pa zhig bya bar 'dod pa'ang ma 'grub bo/ /
gsum pa ni/ gong du brjod pa ltar grags shing / gzhi 'gyur dang 'gyur bcos mang po'ang byas/ 'phags pa brgyad stong pa/ gser gyi lan tshar rang nyid kyis bris pa la/ bod skad dngul gyis bris pa'i bdag nyid brda khyad 'phags sogs skad gnyis kyi bya ba yang mang du byas so/ /
bzhi pa ni/ tshad ma'i sbyangs pa shin tu che zhing / bag chags kyang gsal