[A:112]pa rnams sa phyogs gcig tu bsdus nas/ thugs rje'i spyan chab dang lhan cig snyan cing 'jebs pa'i chos char phab pas/ thams cad kyi gdug sems dang chags sdang rang zh-i la song te/ gdan sa gnyis kyang gcig la gcig 'jus nas ngu zhing sngar gyi nyes pa rnams bzod par gsol ba dang 'thol zhing bshags pa la sogs pa byas te/ khro 'khrug thams cad zhi nas / rgyal ba yab sras kyi rnam thar rtsal du 'don pa byung ba na/ glegs bam gyi ma 'ongs lung bstan las/ dgon pa nyams dma' zhing 'khrug long du gyur pa'i tshe/ nga rang gi rnam 'phrul zhig gis chos 'di bstan/ gnod pa thams cad zhi zhing chos 'di la spyod par 'gyur ro zes lung bstan pa ji lta ba bzhin du byung bas/ ra sgreng pa rnams ni/ bla ma 'di kho na la lhag par mos shing / 'brom ston pa'i sku skye nyid du the tshom med par gtam du gleng bar byed do/ /de bzhin du/ spyir bka' gdams kyi chos dang | khyad par glegs bam la bdag por gyur pa'i grags pa thob pas sku tshe ril po la chos 'di yang dang yang du gsung dgos shing / de thams cad kyi skabs su yang / jo bo che po kho na la bstod pa mdzad kyi/ ston pa'i rnam par rnams ni gsungs pa tsam ma rtogs/ yab sras mnyam po la/ ston pa'i bstod pa mdzad pa ma thos shing / khyad par/ nged mang rab kyis/ jo bo yab sras kyi rnam thar gyi lung zhus/ jo bo'i lam yig rdzogs rjes/ dge ba'i bshes gnyen pa 'ga' zhig la thugs brel byung nas/ ston pa'i rnam thar de/ nged rnams ma sleb bar la 'then par zhu zhus pa na/ jo bo chen po'i rnam thar ni song / dge bsnyen rgan po cig gi rnam thar ma thos kyang ci nyes gsung / de lta bu ni/ 'brom ston