[A:113]rang gi yon tan sbed pa la goms pa'i thugs kyi rgyun yin gyi/ gzhan du na de lta bu brjod par sus kyang mi spobs na/ khyad par du/ bla ma dam pa 'di ni/ gzhan dman pa rnams la yang khyad bsod dang brnyas bcos mdzad pa ma mthong ngo // gzhan yang nged rang bod gangs can pa rnams la bka' drin shin du che ba de/ jo bo chen po dpal ldan a ti sha yin no zhes yang dang yang du gsung zhing / de'i rnam par dang bsngags pa kho na gsung ba zhig 'dug go/ de bzhin du/ 'brom ston pa la mnga' pa'i/ bla ma la gus pa dang / thugs kyi skyeldkyel che ba dang khog yangs pa dang / gzhung bzang ba dang / bdag mi bstod cing gzhan mi smod pa dang / /yon tan gyis thugs 'gengs par dka' ba dang / thugs kyi khur dang stobs che ba la sogs pa thams cad ji lta ba bzhin 'di la mnga' ba'i phyir na dam bca' de ni gtan tshigs phul du byung ba dang ldan pa yin no/ /
gnyis pa ni/ gzhon nu nyid nas khams gsum chos kyi rje/ /'gro ba'i bla ma bsod nams rgya mtshan sogs/ /dam pa rnams las rnam dag sdom pa gsum| /tshul bzhin legs par nod pa de la 'dud/ /ces pa ste/ /rgyal sras gzhon nu dge mtshan du ma dang ldan bzhin du/ btsas ma thag nas skyed sring pa'i bya ba chos dang mthun zhing kha na ma tho ba med pa rnams kyis legs par bskyangs shing rim gror byas pas ring po ma lon par gzhon nu'i sgyu rtsal gyi gnas kun la mthu dang ldan pa gyur te/ khyad par gzhon nu nyid nas yon tan thams cad kyi sngon du 'gro ba klog yang yi ge dang rtsis kyi bslab pa rnams la sbyangs nas/ de