[A:6]
gsang chen 'bras bu'i snye ma g.yur za ba/ /legs bshad bzang po'i 'dod rgu sbyin la 'dud/ /shes bya rab 'byams mkhyen pa'i rnam dpyod can/ /mang thos mkhas grub ragaya mtshos rjes su bzung / /mdo sngags rgya mtsho smra la zla med pa'i/ /'jam dpal dbyangs dngos rnam 'dren zhabs la 'dud/ /rdo rje 'chang gis rigs can so so la/ /'chams par bstan pa'i 'jug sgo dang po ni/ /rigs gsum la sogs khyab bdag gtsor ston pa'i/ /rgyud sde'i lha tshogs kun la phyag 'tshal lo/ /rnam par snang mdzad chen po'i ting 'dzin dang / /gtsang ma'i kun spyod snyoms par bsgrubs nas ni/ /rig pa 'dzin pa'i go 'phang stsol mdzad pa'i/ /rgyud sde'i lha tshogs kun la phyag 'tshal lo/ /mchog gi sprul pa'i mngon rtogs lam byed cing / /mkha' khyab ting 'dzin bsam mi khyab pa'i 'phrul/ /rnal 'byor mchog gi rgyud du bsrel ba las/ /grub ster lhag pa'i lha la phyag 'tshal lo/ /thabs dang shes rab zung 'jug rol par bcas/ /gang gis 'dul la de dang der ston pa'i/ /bla na med pa'i rgyud sde rgya mtsho yi/ /yi dam lha tshogs rnams la phyag 'tshal lo/ /rgyal bas ji ltar bsgos pa'i g.yar dam las/ /mi 'da' rdo rje'i rgyud kyi mdzod srung ba/ /dpal ldan nag po che sogs rgyud gsum gyi/ /dam chos skyong mdzad kun la'ang gus btud nas/ /thugs rjes rdo rje 'chang gi skur bzhengs nas/ /thub pas rdo rje theg pa bstan pa'i gzhung / /mkhas rnams rdo rje'i gsung las nos pa'i tshul/ /'di na rdo rje'i blo yis btu bar bya/ /zhes bsngags par 'os pa ji bzhin brjod pa'i me tog dkar po 'thor bas shis par byas te 'dir gleng bar bya ba/ nges pa'i don du gsang chen rdo rje theg pa'i nye rgyu'i lam la