[A:7]
brten nas phyi nang gi mngon par byang chub pa lngas sgrib gnyis spangs shing / /sku dang ye shes gnyis su med par mngon par rdzogs par sangs rgyas te bral smin gyi yon tan bsam gyis mi khyab pa'i bdag nyid du bzhugs pa yin na'ang / /tshur mthong gdul bya'i snang ngor tshul khrims dang mang du thos shing bsam sgom rnam par dag pas ting nge 'dzin dang shes rab rdzogs te/ rang don phun sum tshogs shing / mdo sngags kyi lam 'chad pa dang / /rtsod pa dang / rtsom pa'i tshul la gzhan dring mi 'jog par rgyud dang man ngag gi gnad mkhyen cing / zang zing med pa'i byams pa dang snying rje chen pos rgyud phyug pa/ /rdo rje slob ma'i rgyud byin gyis rlob pa dang smin grol la 'god pa'i rdo rje slob dpon gyi mtshan nyid thams cad yongs su rdzogs shing nus pa mchog dang ldan pa bstan pa'i sgron me chen po dkyil 'khor gyi 'khor lo'i mgon po'i ngo bor bzhugs pa rnams kyi zhal sgo nas theg chen mdo sde las khyad chos du ma'i sgo nas khyad par du 'phags pa/ bdag cag gi ston pa thugs rje can 'di nyid kyis bstan pa las gzhan du 'byung dka' bas na sangs rgyas las kyang dkon pa'i rdo rje theg pa zhes bya ba/ gnas tha dad pa rnams su/ 'khor rig pa 'dzin pa mchog phal gyi gzugs bzung ba rnams la/ dus nges pa dang ma nges par/ gang zag rigs dang / dus/ nyon mongs la dgongs te/ rgyud sde chen po bzhis bsngas pa'i rdo rje theg pa'i lam rig pa 'dzin pa'i sde snod mtha' klas pa bka' stsal pa/ rdo rje chos dang / rdo rje snying po dang / gsang ba'i bdag po la sogs pas bsdus shing / 'phags yul gyi paN grub rnams la rim par bka'