ces bka' bstsal pas/ 'breng zhags dang shing rta la sogs pa sta gon du byas so/ /sang nangs pa dgung sangs pa dang / mchod pa'i bu mo bcu drug dang / blon po chen po rnams phyag 'tshal du yong tsa na lha gcig kyang mi bzhugs par/ rgyal po'i dbu sngas na spos dang me tog sngar med pa'i thor ba re snang bas bred pas rtab di ri byas pas/ khang thog gi ne tso smra mkhan gcig na re/ khyed rnams ci'i phyir thugs rtab por byed zer ro/ /mchod g.yog gi bu mo rnams na re/ lha rnams gtsang khang du spyan 'dren bsams tsa na lha rnams gcig kyang med zer/ ne tso na re/ mdang nam phyed tsam na lha rnams gcig gis gcig la phyag byas nas/ me tog gtor nas pho brang gi mthongs nas yar song bas/ byang phyogs bye ma'i gling na phar bltas te song zer ro/ /de bden nam mi bden snyam ste blon po de dag gis byang phyogs bye ma'i gling du phyin tsa na/ bye ma'i gling la zhabs rjes pad mo 'dug pa mthong / der rlung 'tshub langs pas bye ma'i gle'i pad mo zum pas/ blon po dag gis mig rig rig phar tsab tshur tsab byed do/ /ra sa'i gtsug lag khang du dre'u dkar mo skad 'don zhing sna shud nas song ba dang / de'i phyi la phyin tsa na/ lha khang sgo lhor lta ba byang ma de na jo bo thugs rje chen po gtso 'khor dgu gdan med par gral byas nas 'dug pa grong khyer ba'i mi thams cad kyis mthong ngo / /rgyal po yang de la thugs dgyes te ngo mtshar che zer nas thal mo sbyar ro/ /de nas rgyal pos bal po lha bzo ba la/ khyod kyis gtsang khang gi lho phyogs 'di la lha gcig bris dang zhes bka' bsgo ba dang / lha bzo bas kyang ka ba shing lo can gyi rtsar kong bu dang pir dang tshon rtsi la sogs pa sta gon byas te sang nangs par 'bri bar brtsam mo/ /nangs par lha bzo bas rgyal po la phyag byas te/ lha ji lta bu bri zhus pas/ rgyal po dang lha bzo dang blon po chen po rnams 'grogs te ra sa'i gtsug lag khang du byon pa dang / lho phyogs kyi rtsig logs la bcom ldan 'das kha sarpa Ni 'jigs pa brgyad skyob bris nas 'dug go/ /de la ngo mtshar ro zhes smras pa dang / de'i 'phro la gang la ci 'dul de la der ston gling la 'phel bar gyur to/ /de nas sprul lapa'i lha bzo des kyang de'i 'og gi rta mgron dkar po dang / lha mo sgrol ma la sogs pal lha lnga bris so/ /rgyal pos gdung ma rnams kyi bar bkag la chos mngon pa'i sde snod kyi rgyud ris bkod/ gdung tshar rnams la phyi rabs dpon sras bla blon rnams kyi don du dam chos 'dul pa'i rgyud ris rnams bkod do/ /phyi rabs kyis rigs pa'i chos go bar bya ba'i don du glo 'bur nub byang mtshams su lde'u bris/ lung gi chos go bar bya ba'i phyir du sgrung rgyud mang po yang bris so/ /bslab pa gsum la 'god pa'i phyir bon sha ba nam mkha' la 'gro shes pa yang yod do/ /de nas rgyal pos lha gcig khri btsun la bka' bstsal pa/ khyod kyi yab rgyal po'i thugs dgongs skong ba dang chad btsan par bya ba'i phyir dang / ba can gyi sems can gyi phyag dang mchod pa byed pa'i rten 'dzugs pa dang / nag po'i phyogs thams cad 'grib la legs so cog dar bar bya ba'i phyir lha khang 'di tshang bar gyis shig ces bka' bstsal ba dang / de la lha gcig khri btsun spro bas/ rgyal po la ji ltar