bgyi zhus pas/ rgyal pos bka' bstsal ba/ yab rgyal po dang nga'i bang chen blon po rnams chad byas khas blangs pa'i dus su/ mtha' 'khob kha ba can gyi rgyal khams su lha khang brgya rtsa brgyad bzhengs la sgo thams cad nub phyogs bal po'i yul du kha bstan/ gtsang khang dbus mar bcom ldan 'das a mi de ba gtso 'khor dgu bzhengs su gsol cig de'i g.yon gtsang khang lho mar bcom ldan 'das mi bskyod rdo rjes gtso byas chos skyong ba'i gnod sbyin chen kapo gter gyi bum pa thogs pa bzhengs shig gtsang khang gi sgo lnga tshar nas kha ba can skyes pa'i sems can de dag bde bar gshegs pa'i bka' la yid mi ches pa/ chos kyi bdud rtsi la 'thung du mi btub pa/ thar pa'i bkar bslab pa gsum la mi slob pa/ rigs pa'i chos la blo mi 'gro ba/ de bzhin gshegs pa'i gdul byar ma gyur pa rnams ngas 'dul ba yin pas/ nga'i khrims btsan du byas pas/ chos kyi bdun rtsi 'thung ba yin/ nga'i rgyal khasam su chos bdud rtsir bya ba'i phyir ka ba shing lo tsan dang nye bar chos kyi gter sba bar bya'o/ /de bsrung ba'i phyir ka ba sbrul mgo can du mthu'i gter sba bar bya'o/ /de nas mtha'i ngan sngags dang phra men gyis mi tshugs par bya ba'i phyir ka ba seng ge lag zan ma la phyir bzlog sba bar bya'o/ /de thams cad kyi rkyen 'byung zhing kha ba can du char chu dus su 'bab pa dang / lo phyugs dus su smin par bya ba dang / sad dang ser ba mi 'byung bar bya ba'i phyir ka ba bum pa can dang mi ring bar rin po che'i gter sba bar bya'o/ /ra sa'i zhig ral gso ba dang mchod pa rgyun mi chad par bya ba'i phyir/ dkyil 'khor gyi 'og tu rin po che dbang gi rgyal po dang gser dngul la sogs pa'i khram thob cig gzhan yang mi la nad mi 'ong ba dang / pha spun rme mi 'chor ba dang / ya rabs nang 'khrug mi 'chor ba dang / spyir rgyal khams gzhan gyi dmag mi yong ba dang / phyi rol mu stegs byed kyi chos mi dar ba dang / sgrub pa po la bar chad mi yong ba la sogs nyes pa thams cad mi 'gyur ba dang / legs dgu cog dar ba'i phyir du thabs rnam par 'phrul pa bsam gyis mi khyab pa mdzad do/ /de yang ji ltar byas lugs dang / gar sbas pa dang / phyung nas ji ltar longs spyod pa dang / de la sogs pa mang du bka' chems kyi shog ril bris 'dug ste/ ngan 'phel gyis dogs nas bzhag go/ /de thams cad kyang sprul pas srung ba sgo khang du klu'i rten tshugs shig gnod sbyin gyi rten tshugs shig dpal lha mo'i rten bya ba la sogs pa mang du bka' bstsal nas/ rgyal po dang blon po bcu drug dang chas nas rgya nag 'phrul gyi rgyal po'i chad btsan par bya ba'i phyir/ rgya'i so kha phyir 'bul ba dang / bod 'bangs bde la 'god pal dang / thugs dam gtsug lag khang bzhengs pa'i phyir/ mdo smad shar phyogs su gshegs so/ /lha gcig khri btsun gyis bal po'i lha bzo spyan drangs lha khang gsum thog ma gcig bgyi bar 'dod pas nyis thog bzo byas/ 'og khang du rgyal pos bka' bsgo ba ltar lha la sogs pa bka' bzhin bsgrubs so/ /ra mo cher lha khang rtsig dbang med/ sing dang la ma'i ra ba bgyid pal la ka ba'i bar so phag gis bcad pas sgo khyud shar du phye bas/ lha'i zhal dang po nub tu gzigs pa de/ shar du rang bsgyur 'gyur bar grags so/ /jo