mo gcung mo mong bza' khri lcam gyis lha sa mkhar brag thugs dam du bzhengs so/ /zhang zhung gi rgyal po ling bkra'i sras mo lha gcig mig sman gyis lkog pa'i thugs dam bzhengs/
(de'i tshe sum pa ki kang rdos ngan sngags kyis shig ling / )
phya ra tsam btang nas shig phug ron tsam byung mchis/ de nas dgung lo bcu gnyis na rgyal po'i thugs dam gtsug lag khang grangs thim khar yongs rdzogs rab dga'i lha khang bzhengs/ mdzad pa rgya chen po yang tshar nas dbus su gshegs/ jo mo rgyal btsun gyis brag lha mgon po kun tu zhal brko ba la rdo rje phye bre re phed na tsha bre re bya dgar gnang bas tshar ro/ /gcung khri lcam dang zhang zhung bza'i thugs dam yang tshar/ gcen khri btsun gyi ra sa bre kha spub pa 'dra ba zhig tshar ba'i slad rol du/ rgyal po blon po bcu drug dang bcas pa byon/ sna chain pos rje'i gdan khyer nas them skas la byon pa dang / ra sa'i nang chus gang bar snang snyam ste nang du mchi ngar rngo ma thogs/ der rgyal po'i chibs lcag bor bas/ chu nang na lding ba ltar gda' ste/ slar chab kyi nang du babs so/ /yang rgyal pos phyag sor gdu bu bskyur bas sil khrol te dkyil 'khor gyi rtsar song bas der yid ches te rgyal po'i khri dkyil 'khor gyi steng du brtsigs te bzhugs/ khyed blon po bcu drug po mi bzhis grong khyer nas mgron pos/ mi bzhis sha tshos/ mi bzhis chang longs/ mi bzhis 'dren pa gyis shig ces bka' bstsal to/ /blon po rnams kyis bka' bzhin bgyis pa dang / jo mo khri btsun gser sel ma bre gang bsnams te rgyal po la phul snyun rmed/ lha gcig kong jos kyang gser sil ma bre gang bsnams te/ rgyal po la phyag byas gser phul nas snyun rmed do/ /mong bza' khri lcam yang gser sel ma bre gang bsnams te rgyal po la phyag byas gser phul nas snyun rmed do/ /de nas rgyal po'i zhal/ lha gcig khri btsun na re/ khong gi shing bzo legs 'dra ste nga'i 'phrul bzo legs 'dra ste 'phrul du snang zhes pas lha khang steng khang 'phrul snang bya bar grags so/ /de nas rgyal pos bzhengs te/ nga'i lha thugs rje chain po la phyag bya'o gsungs nas thugs rje chen po'i gtsang khang du gshegs so/ /jo bo thugs rje chen po'i na bzhengs/ g.yas na lha gcig khri btsun bzhengs/ g.yon na lha gcig kong jo bzhengs/ rgyab them pa'i nang la sogs pa na mong bza' khri lcam bzhengs/ sna chen po'i lag pa sgo sked la 'jus/ rkang pa phyir bzhag mgo bo nang du bcug nas 'dug pa la/ rgyal pos zhal phyir log byas nas bod 'bangs rnams la lung bstan pa/ 'di la kha ba can gyi rgyal khams 'di/ /sangs rgyas rnams kyis rab tu bsngags pa yin/ /khyad par can gyis gnas su lung bstan te/ /byang chub sems dpa' mang po 'byung bar 'gyur/ /de nas gdung rabs bzhi na rgyal po ni/ /so so skye bo'i byang chub sems dpa' 'byung / /de nas de srang byang chub sems dpa' yi/ /'phags pa'i gang zag rgyal po chen po 'byung / /chos bzhin gtsug lag khang chen mang po bzhengs/ /mtha' 'khob rgyal khams thams cad dbang du bsdu/ /phyogs bzhi mtshams brgyad kun la dpya khral sdud/ /rgya gar gsang mdzod dam chos mang po bsgyur/ /sprul pa lta bu'i byang chub sems dpa' ni/ /lo paN mang pos dam chos rgyas par byed/ /yangs