pa byin nas der bzhag ste/ slob dpon gyi thang lhar byon/ phyi dro 'khor tsa na chos gos kyi grar ci yang mi bro ba'i khur ba lab leb dang / zhal zas sna tshogs pa bsnams nas byon te/ der thang lha mnga' 'og tu bsdus dam la btags so/ /de nas byang kha'i g.ya' ri gangs ri rnams kyi lha srin btul te/ shel tsha rgyal mo gangs kyi ming byang gi 'brog chen 'khor 'dul rdo rje bgegs kyi gtso mor ming btags so/ /de nas 'phan yul du byon tsa na byang gi kyin 'thing la ro sman dang / stag sman gyi gdong dang / byang phug ma rnams kyis byang kha mthun gsum gyi lhag pa thams cad gcig tu bsdus te/ slob dpon 'khor bcas la brgyab pas 'khor rnams 'gyel la khad/ rengs la khad du gyur/ slob dpon yang sku bser tsam mdzad nas der slob dpon gyis gangs ri rdza ri thams cad me dpung du byin gyis brlabs te bsgoms pas/ mar la lcags tsha mo phog pa ltar lhan gyis zhu bar gyur pas der bod kyi gnod sbyin mo mthu mo che rnams btul te dam la btags so/ /srog gi snying po phul te ming yang byang gi kyin 'thing la ro sman du btags so/ /de nas stod lungs bram bu'i tshal du byon te/ kha la brag rir dgung gcig tu bzhugs nas btsan thams cad dam la btags so/ /de nas ma zam phug tu bzhugs nas bdud thams cad dam la btags so/ /de nas g.ya' ri gong du bzhugs nas rgyal 'gong dang the'u rang thams cad dal la btags so/ /de nas bsam yas has po rir byon pa dang / bod kyi mnga' bdag rgyal po khri srong lde btsan dang rgyal blon kun gyis bsu ba la byon pa las/ der rgyal po rje 'bangs kyi thugs dgongs la nga sa bdag rgyal po yin/ rgyal khrims dang chos khrims gnyis kyi bdag po nga yin pas slob dpon gyis nga la phyag byed snyam/ slob dpon gyi thugs dgongs la nga sprul pa'i sku yang yin/ grub pa thob pa'i rnal 'byor pa tshe'i rig 'dzin brnyes pa yin/ rgyal pos nga la phyag byed snyam pas phyag la ma 'dum pas/ de la slob dpon gyis nga che nga btsan mgur bzhes pa/ khams gsum sems can gnas yin/ /khams gsum dbang sdud kyi gdams ngag yod/ /snang srid 'khor 'das kyi dpe cha la/ /drang don nges don gyi bshad pa byed/ /nga dge bshes pad ma 'byung gnas yin/ /'khor 'das shan 'byed kyi gdams ngag bdog /sems nyid rnal ma'i shog bu la/ /sgra tshig dang bral ba'i yi ge bris/ /nga yig mkhan pad ma 'byung gnas yin/ /chos yi ge med pa'i gdams ngag bdog /'di ltar gnang ba'i gyang logs la/ /don gnyis su med pa'i ri mo bris/ /nga lha bzo pad ma 'byung nas yin/ /snang stong gsal ba'i gdams ngag bdog /mi dug lnga'i nad kyis gzir ba la/ /zag med sman gyis gso bar byed/ /nga sman pa pad ma 'byung gnas yin/ /bdud rtsi 'chi sos kyi gdams ngag bdog /mi dad pa bskyed pa'i 'dun ma byas/ /mi tshe phyi ma'i bde skyid byas/ /nga gtso pa pad ma 'byung gnas yin/ /'khor ba rtsad gcod kyi gdams ngag bdog /shes rab snying rje'i go mtshon thogs/ /rnam rtog logs lta'i dgra bo btul/ /nga dpa' bo pad ma 'byung gnas yin/ /'khor ba g.yal bzlog gi gdams ngag bdog /dug lnga gdon lnga dgrar langs kyang / /ye shes lnga'i dbyings su brgyab/ /nga mthu chen pad ma 'byung gnas yin/ /dug lnga rtsad gcod kyi gdams ngag bdog /khyed gdong dmar srin po