bka' ma gcog gsungs pas/ bka' bstsal pa gzhan rnams bgyid na/ bdag sna thong cig tu che bas skam chas gcig la dag bas/ zan 'phrul brul gyi mgo la chu blug pa 'di yi 'tshal/ ster sna rgya che zhing yangs pa'i mchod sbyin byed cig ces mchis nas rin po che gser dngul gyi snod du rin po che brdar nas/ nam mkha'i mtha' dang mnyam pa'i mchod sbyin du byin gyis brlabs te byin/ kho'i rkang pa g.yas pa khams kyi g.yar mo thang la bzhag rkang pa g.yon pa bsam yas has po ri la bzhag ste/ lha 'khor sum brgya drug cu dang bcas pa tshim lapar byas nas spom ra lha 'khor lcam dral zo dor dang bcas pa dam la btags te srog gi snying po phul lo/ /rgyal po'i bsam pa bsgrub par khas blangs dam bcas so/ /lcam gyi ming yang rma ri rab 'byams drag mo rgyal du btags so/ /lha 'od de gung rgyal dang lha lcam dral thams cad dam la btags so/ /de nas kong gtsun de mo dam la btags so/ /de nas btsan la sman gcig ma dam la btags so/ /de nas kha rag khyung btsun dam la btags so/ /de nas jo mo lha ri dam la btags so/ /gnod sbyin gang ba bzang po la sogs pa gnod sbyin thams cad dang / bod kyi dge bsnyen nyi shu rtsa gcig dam la btags so/ /de nas g.ya' ri mo/ gangs ri mo nyi shu rtsa gcig dam la btags so/ /de nas slob dpon pad ma 'byung gnas kyis/ brag dmar bsam yas su lha 'dre gdug pa can thams cad tshar bcad/ bod khams skyong ba'i bstan ma bcu gnyis/ skyong ma bcu gnyis/ ya ma bcu gnyis dam la btags so/ /srog gi snying po phul nas bstan pa bsrung bar khas blangs dam bcas/ gza' chen brgyad dang rgyu skar nyi shu rtsa brgyad/ bar snang gi lha bran thams cad mnga' 'og tu bsdus te/ sde brgyad thams cad las la bkol te/ ri rdo ri las phab/ klungs rdo klangs su bsdus te/ lha khang gi rmang brtsigs pas/ slob dpon bo dhi sa twa dang / chos rgyal nyid kyis dbu rtse rigs gsum ri rab tshul du byas/ gling gzhi gling phran brgyad du byas te/ de la yang shar du rnam dag khrims khang gling / mkhyen rab 'jam dpal gling / tshang dmar skye ru'i gling / lho ru bdud 'dul sngags pa'i gling / arya pa lo'i gling / sgra bsgyur rgya gar gling / nub tu mi g.yo bsam gtan gling / rdo sku byang chub gling / dga' ldan byams pa'i gling / byang du sna tshogs rin chen gling / ma chags pad ma can gyi gling / dpe har dkor mdzod kyi gling / nyi ma lha khang / zla ba lha khang / gzhan yang shar lhor mchod rten dkar po sangs rgyas stong gis brgyan pa/ lho nub tu mchod rten dmar po pad ma stong gis brgyan pa/ nub byang du mchod rten nag po mchod rten stong gis brgyan pa/ byang shar du mchod rten sngon po lha khang bcu drug gis brgyan pa bzhengs/ nub phyogs su ya mtshan rdzu 'phrul ston pa klu'i gling bzhengs/ slob dpon pad ma'i gzim khang yakSha ltag 'og bzhengs/ star ka chen po bzhi la/ phyogs bzhir khron kha chen po bzhi/ me btsa' chen po bzhi la/ ri sna bzhi la mchod rten bzhi/ pho brang rim dgu dang / pho brang sing khang dang / rgya'i ha shang lha khang dang / phyi lcags ri mu khyud nag po dang / de'i phyogs bzhir sgo bzhi la mgon khang bzhi dang bcas pal bzhengs so/ /btsun mo gsum gyis kyang / tshe spongs bza' me tog