yid dam la thogs nas dkon mchog gsum la dad pa thob ste gsam pa gus pas lha khang rtsig gin 'dug pa la/ klu gnyan sa bdag rnams lus dam la thog nas bsam yas rtsig pa'i grogs byed kyin 'dug ngag dam la thogs nas rgyal po'i bsam pa sgrub/ slob dpon gyi bka' la nyan zer gyi 'dug pa la/ yid dam la ma thogs par mthong ba'i dug dang / 'phro ba'i dug dang / kha rlangs kyi dug sna tshogs gtong zhing sems can la gnod par gzigs pas/ der slob dpon gyis rgyal po la de rnams zhib par bshad nas/ klu gnyan sa bdag dam la 'dogs pa'i phyir du nga mchims phu phug pa chen mor sgrub pa la 'jug pas/ da ste zhag bdun bar du nga'i mtshams la bar cad ma byed cig mtshams ma rtog cig gsungs te/ slob dpon gyis dgongs pa la bzhugs pa las/ rta mgrin na ga klu 'dul gyi dkyil 'khor zhal phye/ ran ma sngon nub mo nam phyed tsa na rgyal po gzim pa'i dbu sngas su/ lha sa rkyang phu'i klu mi dkar rta dkar du byas nas spyi gtsug gi sbrul mgo dang sbrul mjug kyang mi mngon par byas nas/ spyi gtsug gi nor bu rin po che de dkrol nas rgyal po'i phyag tu phul te/ rgyal po khyed kyi gtsug lag khang bzhengs pa'i shing dang nor bu rin po che thams cad ngas ka ru mar byed pas rang re grogs po bya'o zer/ der rgyal po mnal sad lapa dang / ga re rang gi gtsug lag khang bzhengs pa la shing rin po che rdugs pa de rnams yong bar 'dug ron bu rin po che'i phyag rten yang byung bas dga' ste/ de ltar rang re grogs po bya'o zhes smras pas/ nga'i dgos pa zhig rgyal pos sgrubs shig zer te chad pas/ khyod kyi dgos pa gang yin gsungs pas/ gzhan mi 'tshal te mchims phu phug pa chen po'i ban de ya gi'i dgongs pa glod dgos zer bas/ de ltar bya bar khas blangs dam bcas pas de nyid du klu de mi snang bar gyur to/ /der rgyal pos mtshan mo de jo mo la bskul/ jo mos nang 'khor g.yog mo la bskul/ des nang mi la bskul te/ blon po chen pa bdun sbron du btang bas/ blon po chen po rnams na re re la 'khor rta pa lnga brgya res bskor ba rnams nam langs nyi ma shar ba la yom 'bog gi thang la 'tshogs pa las/ rgyal pos rnam par thar pa'i sgo gsum nas chibs khar byon pas/ rje 'bangs yongs kyis mchims phur byon te/ slob dpon gyi drung du song bas slob dpon mngon par shes pas mkhyen pas sgrub kang gi sgo la sgrim shing mdzad do/ /nyi ma dgong kar song yang rgyal pos slob dpon gyi sgrub khang gi sgo ma rnyed do/ /thams cad ltogs skom thang chad par gyur to/ /nyon mongs par gzigs nas sgrib shing bkrol bas der rgyal blon rnams kyis slob dpon gyi drung du phyin pa dang / de yang / mchims phu phug pa chen po'i nang na/ /sprul pa'i khyung chen 'jigs shing skyi bun pa/ /spu mdog btso ma'i gser du snang ba la/ /gshog pa'i sgro ni ral gri lham pa 'dra/ /spu rtse rnams ni spu gri lham pa 'dra/ /mchu dang rus pa sder mo lcags sbar can/ /mgar ba'i so mal nang nas bton pa 'dra/ /nyi zla'i spyan ni 'bur zhing 'phrul pa can/ /klu'i rgyal po mal gro gzi chen dang / /klu'i ded dpon nag po glong rdol gnyis/ /sbrul gyi sked pa phyag gis bzung ste mjug ma zhabs kyis mnan/ /sbrul gyi kha ni gdangs btsum sked pa 'khyog cig 'gul/ /lag gnyis thal sbyar