sbrul mgo khyung gi zhal du gsol ba khad/ /khyung gi me chen spar bas brag phub tsheg sgra can/ /de ltar mthong nas rgyal po rje 'bangs kyis/ /khyung de slob dpon yin pa ma shes nas/ /yang ni lan gsum mtha' ma mchims phu yongs rnams bskor/ /gar phyin gar btsal slob dpon ma rnyed nas/ /gzhug tu slob dpon khyung du sprul pa'i drung du phyin/ /phyag byas gzugs snems snyun dris pas/ /khyung chen cang mi smra zhing lta zur log log byed/ /dngos grub ya mtshan chen po yod ces zhus/ /dgongs pa glod par zhu ba nan du phul/ /'on pa'i mi la smra ba bzhin du mdzad/ /slob dpon dgongs pa glod pas klu'i rgyal po ni/ /mal gro gzi chen nag po klong rdol gnyis/ /spyi gtsug nor bu bkrol nas rgyal po'i phyag tu phul/ /lus kyis gus pa ston cing zhabs gnyis spyi bor blangs/ /de ltar byas nas klu'i rgyal po gnyis/ /mkha' la lho sprin 'atibs nas tshogs dang bcas/ /mkha' las thar pa 'bab cing si li li/ /'brug sgra drag po'i sgra ni di ri ri/ /rgyal po sku drin che zhes byang phyogs bzhud/ /de nas slob dpon gyi zhal nas rje lha sras lags/ /gtsug lag khang bzhengs pa'i shing dang rin po che mi skog mi 'dug lags te/ bdag gis kyang lha ma srin sde brgyad kyi lus ngag yid gsum dam la thogs sam ma thogs bltas pas dam la thogs 'dug klu gnyan de'i lus dam la thogs pas bsam yas rtsig pa'i grogs byed kyi 'dug ngag dam la thogs nas rgyal po'i bsam pa sgrub/ slob dpon gyi bka' nyan zer zhing 'dug pa la/ yid dam la ma thogs par mthong ba'i dug dang / reg pa'i dug dang / kha rlangs kyi dug dang / 'phro ba'i dug gis mi dang sems can rnams la gnod cing 'tshe ba byed kyi 'dug nas/ tshar gcod cing dam btags la phyi rabs su sems can rnams la gnod pa dang 'tshe ba mi nus lapar bya bsams pa lags te/ rgyal pos bdag gi klu 'dul ba'i dgongs pa glod pas/ da lnga brgya'i mtha' ma la sa gzhi dang 'og thams cad klu gnyan sa bdag gis dbang byed pa 'ongs/ mdze rigs dang gnyan nad bco brgyad dar bar 'ongs/ gnyan rigs dar zhing 'phel dang shu ba dar/ mi phal yang 'og gdon gyis zin par 'gyur ro/ /zhes gsungs so/ /de nas rgyal po rje 'bangs mar byon tsa na/ klus gtsang po la shing bskyur nas bsam yas kyi mtha' thams cad shing gis nag mer re khengs par 'dug skad do/ /de nas rgyal po'i nyi shu rtsa gcig stag gi lo la rma bting nas brtsigs/ rta'i lo la 'byongs te/ dbu rtse yang thog rgya gar gyi lugs su bzhengs/ bar khang rgya nag gi lugs su bzhengs/ 'og khang bod kyi lugs su bzhengs te/ rten byon lugs dang bzhengs lugs ni rgyal po'i thugs dgongs la/ nga'i lha khang du rten ji ltar bzhengs dgongs pa dang / rgyal po gzim pa'i mnal lam na bar snang nas lhas lung bstan te/ rgyal po khyod kyi yid dam gyi lha ba dmar po 'bud pa'i skad thag chad pa'i sa der bzhugs pas gdan drongs la/ gtsug lag khang du bzhugs su gsol cig bya ba byung ba dang / de'i skad byung ba thos pas skad thag has po ri'i rtse mor chad pa snyam byed pa byung bas/ de ma thag has palo ri'i rtse mor byon pas mngon sum par ci yang mi 'dug pa la/ rgyal pos sa de 'di yin gsungs nas/ phyag gis brad pas/ byang chub chen po rdo sku rang byon de dbu'i gtsug