tor nyug gis byon/ de gdan drangs te 'og khang bod lugs kyi gtsug lag khang gi lha'i gtso bor bzhugs su gsol lo/ /dpal gyi bsam yas lhun gyis grub pa bzhengs/ mi 'gyur lhun gyis grub pa'i gtsug lag khang / gzhi che dpangs mtho rgyu bzang bkod legs pa/ bkra shis byin che kun nas 'gran zla med/ dga' ldan sum cu rtsa gsum gyi lha khang la dpe blangs pas/ dpal nA len dra dang mtshungs pa'i gtsug lag khang bzhugs/ btsugs pa mi 'dra skyes pa 'dra ste mdo ste lhar stong gsum gcig gi lugs so/ /'dul ba ltar theg pa'i skabs dang rim pa bzhin/ mngon pa mdzod kyi 'jig rten bstan pa dang yang bstun no/ /de yang sde snod gsum dang sbyar nas bzhugs su gsol ba ni/ steng khang rgya gar lugs kyi lha ni/ dpal rnam par snang mdzad zhal bzhi/ 'khor nye ba'i sras brgyad/ phyogs bcu'i byang chub sems dpa' nyi shu rtsa bzhi/ sgo srung brgyad de bzhi bcu rtsa bzhi bzhugs so/ /ri mo'i logs la rdo rje dbyings kyi lha tshogs bzhugs/ lcog bzhi la ri mo 'jig rten gyi khams mdangs dga' bar sangs rgyas dga' ba'i dpal 'khor dang bcas pa bzhugs so/ /chos skyong lag na rdo rje zhal dang / rgyal po rnam sras la gtad de bcol lo/ /dbu rtse bar khang rgya nag gi lugs la/ lha tshogs gtso bo dus gsum gyi sangs rgyas 'khor sa bcu'i byang chub sems dpal bcu'o/ /sgo ba kang king ngo / /khro bo rnam par rgyal ba dang khams gsum rnam par rgyal te lha tshogs bco lnga bzhugs so/ /ri mo ni snying po 'bum gyi gleng bzhi'o/ /skor khang ka phyir lta na mchod rten brgyad la/ nang gi lha sprin chen snying po'o/ /rnga khang na ri mi phyogs bcu'i sangs rgyas dang / rdo rje sems dpa'a' dang gshin rje gshed kyi lha tshogs dang / chos skyong rnams kyi 'bag bris so/ /chos skyong rgyal po shing bya can dang lcam mo 'gro bzang ma la gtad de bcol lo/ /'og khang bod kyi lugs kyi lha khang na/ lha'i gtso bo ngo mtshar can byang chub chen po rang byon dang / 'khor bskal bzang sems dpa' bcu'o/ /sgo srung mi g.yo mgon po dang / rdo rje gtum po dang bcu gsum bzhugs so/ /snying po ri mo phyogs bcu'i sangs rgyas dang / skor khang phyi nang na rin po che'i tog rnga khang na mdo sde dkon mchog sprin gyi bkod pa'o/ /chos skyong mkha' 'gro ma/ khro bo rol pa la gtad do/ /'khor sa bar ma'i ri mo rgya che rol pa'i bkod pa bzhugs so/ /dkor mdzod dgu la lha'i dkor mdzod gsum ni rin po che'i gter gyi mdzod/ chos skyong gshin rje nag po che gsum la gtad de bcol lo/ /nub phyogs kyi dkor mdzod gsum ni gsung rab rgyud kyi mdzod do/ /chos skyong a tsarya mched gsum la gtad de bcol lo/ /byang phyogs kyi skor mdzod gsum ni rin po che nor gyi mdzod do/ /chos skyong ni nag po mched gsum la gtad do/ /'khor sa chen mo'i nang gnyis na mdo sde sdong po rgyan bzhugs so/ /chos skyong klu'i rgyal po e na dang u ni la gtad do/ /dbu rtse la ka ba stong rtsa brgyad/ bsha' rtse bzhi bcu zhe brgyad/ sgau mo sum cu so brgyad/ gru skas drug dkor mdzod dgu la lder so bzo bdun cu rtsa gnyis bzhugs so/ /yakSha ltag 'og gnyis la lha tshogs byang chub chen po gtso 'khor lnga bzhugs so/ /ri mo bskal pa bzang po'i sangs rgyas stong bzhugs so/ /chos skyong