gnod sbyin gang ba bzang po dang / nor bu bzang po gnyis la gtad/ shar gyi gling gsum ni rnam dag khrus khang gling na/ lha tshogs byang chub chen po sku 'khor lnga bzhugs/ ri mo ni mdo ting nge 'dzin rgyal po'i bkod pa bzhugs/ chos skyong tshangs pa dung gi thor gtsug can la gtad do/ /so so thar pa'i tshul khrims len pa'i gnas so/ /mkhyen rab 'jam dpal gling na lha tshogs 'jam dpal sku 'khor lnga / sgo srung gshin rje gshed gnyis te bdun bzhugs so/ /ri mo ni snang ba mtha' yas dang / tshe dpag med dang phal po che'i rgyud ris bzhugs so/ /chos skyong ni gshin rje me'i 'khor lo can la gtad do/ /chos kyi 'chad nyan byed pa'i gling ngo / /tshang mang brda sbyor gling na/ lha gtso bo shAkya mu ne gtso 'khor lnga bzhugs so/ /chos skyong rgyal po 'brug gi klag slog pa can la gtad do/ /'tsho ba zas kyi gling ngo / /lho'i gling gsum la/ bdud 'dul sngags pa'i gling na/ lha tshogs lugs sku byang chub chen po gtso 'khor lnga bzhugs so/ /ri mo ni mdo nam mkha' snying po'i rgyud ris bzhugs so/ /chos skyong ma mo nyi shu rtsa brgyad la gtad do/ /sgrub pa'i bar chad sel ba'i gling ngo / /thugs rje rgyun 'byung arya pa lo'i gling na/ lha tshogs ni kha sarpa Ni gtso 'khor lnga/ steng phyogs na snang ba mtha' yas gtso 'khor lnga bzhugs so/ /glo 'bur na rigs gsum mgon po/ phra men gyi mchod rten rgyal po'i sku tshad/ dngul gyi thugs rje chen po/ rje btsun seng ge sgra/ bse'i jo mo stong phrag brgya pa bzhugs so/ /ri mo za ma tog bkod pa/ lnga bcu pa'i rgyud ris yod/ chos skyong dbang chen gyi pho nya rnams la gtad do/ /mngon par byang chub mchog tu sems bskyed pa'i gling ngo / /sgra bsgyur rgya gar gyi gling na/ lha tshogs lugs sku byang chub chen po gtso 'khor lnga bzhugs so/ /ri mo rgyal ba rigs lnga'i rgyud ris so/ /chos skyong gnod sbyin ra gdong can la gtad do/ /rgya la las bod skad du sgra bsgyur ba'i gling ngo / /nub kyi gling gsum la lung ston bai ro tsa na'i gling na/ lha tshogs zangs kyi rnam par snang mdzad/ mngon par byang chub pa'i rgyud ris bzhugs so/ /chos skyong ni seng mgo can la gtad do/ /gang zag lung ston pa'i gling ngo / /dga' ldan byams pa'i gling na/ lha tshogs byams pa sku 'khor lnga bzhugs so/ /sgo srung gnyis te bdun bzhugs so/ /steng gi lcog na a mi de ba sku 'khor lnga bzhugs te lha bcu gnyis bzhugs so/ /ri mo byams pa'i skyes rabs dang / sangs rgyas sum cu rtsa gnyis bzhugs so/ /gnas brtan chen po bcu drug dang / bsam yas kyi dpe/ zhang rgya tsha lha snang gi skyes rabs rnams bris so/ /chos skyong mkha' 'gro ma gu ling gi mgo can la gtad do/ /sgrub rgyud kyi gdams ngag 'bebs pa'i gling ngo / /mi g.yo bsam gtan gyi gling na lha tshogs rnam par snang mdzad gnyan po byin can gyis gtso byas pa'i rgyal ba rigs lnga/ bskal bzang byang chub sems dpa' bcu drug ste nyi shu rtsa drug bzhugs so/ /ri mo tshe dpag med dang ngan song sbyong ba dang / gtsug tor 'od kyi dkyil 'khor gsum/ 'khor khyams na phal po che'i rgyud ris bzhugs so/ /chos skyong rgyal po dngul mgo can la gtad do/ /bsam gtan sgrub pa byed pa'i gling ngo / /byang gi gling gsum la sna