tshogs rin chen gling na/ shAkya seng ge sku 'khor lnga bzhugs so/ /ri mo ni 'phags pa gser 'od dam pa'i rgyud ris bzhugs so/ /chos skyong rgyal po bya'i sbar so can la gtad do/ /'jug pa byang chub tu sems bskyed pa'i gling ni/ gtan bde la gnas pa'i gling ngo / /sems bskyed byang chub gling na/ lha tshogs ni sangs rgyas ma chags pad ma'i spyan la/ 'khor byang chub sems dpa'i tshogs rigs brgya bzhugs so/ /chos skyong ni gnod sbyin no/ /byang chub sems bskyed 'bebs pa'i gling ngo / /dpe har dkor mdzod gling na/ lha steng gi sangs rgyas dga' ba'i dpal gtso 'khor lnga bzhugs so/ /ri mo ni 'jig rten gyi khams mdangs dga' ba'i bkod pa'o/ /chos skyong ni rgyal po dpe har la gtad do/ /de ltar nyi ma'i lha khang ni/ lha'i bu nyi ma'i gzhal yas khang gi bkod pa'o/ /zla ba'i gzhal yas khang na lha'i bu zla ba'i gzhal yas khang gi bkod pa yod do/ /mchod rten bzhi la shar lho'i mchod rten dkar po'i nang na/ de bzhin gshegs pa'i gdung ring bsrel ma ga dha'i bre drug bzhugs te/ sangs rgyas stong gi brgyan pa bzhengs so/ /lho nub kyi mchod rten dmar po'i nang na/ sngon bskal pa dang por jo jo rgod des khyung tshang nas bton pa'i khrab nya sha lto rgyab/ mdung kha dog mchog ldem ngal gri ngar ma'i rdo gcod la sogs go mtshon bcug ste pad ma stong gis brgyan pa bzhengs so/ /nub byang mchod rten nag po'i nang na/ sngon bskal pa dang po la spre'u dang brag srin las 'gro ba mi 'phel ba'i dus su/ arya'i drung nas khong tsho'i zas skal la byin pa'i yar lung zo thang du 'bru sna thams cad btab pa'i phud/ 'bru sna bskal pa bzang po'i nas tshad za tshad bcug ste/ mchod rten stong gis brgyan pa zhig bzhengs so/ /byang shar mchod rten sngon po'i nang na sman mchog ma ru ra rnam rgyal dang / bdud rtsi 'chi sos kyi sman dang / sman mchog thams cad bcug pa'i lha khang bcu drug gis brgyan pa gcig bzhugs so/ /mchod rten 'di shin tu ngo mtshar bas lha'i yul du 'phur nas gshegs pa la phyogs bzhir gzer bzhis mnan pa bzhugs so/ /dbu rtse rigs gsum gyi gnya?dzir gser 'phru'i rtse mo na nor bu rin po che zla ba chu shel yod do/ /khyams chen po'i logs ris la gling bzhi bye ba phrag brgya dang / mdo phal po che las gzhon nu nor bzang gis bla ma brgya rtsa brten pa'i ri mo/ gling bar gyi mun pa'i bkod pa dang / bsam yas lhun gyis grub pa bzhengs tshar ba'i dus kyi rab gnas kyi bkod pa dang / gzhan yang rgya nag po thag rtsed kyi ri mo yang po yod/ chos skyong mgon po beng dmar dang / dpal lha mo dkar mo la gtad do/ /gtsug lag khang spyi dang dkor mdzod gling gi dkor srung ni rgyal po dpe har la gtad do/ /de yang / dkar zhal bkod legs dar dkar bting ba la/ /dbu rtse rigs gsum shel dkar mchod rten 'dra/ /'khor sa rnam gsum rin chen khri 'phang can/ /gser gyi gnya?dzir 'khor lo 'od 'bar mdzes/ /lcog chen bzhi nas dar dkar ba dan 'phyar/ /'phrul gyi rgya phibs char rlung nyi ma skyob/ /cong dril gsung snyan dus kyi rlung gis 'khrol/ /logs la rgya byi'u la sogs bya rnams lding / /nam mkha'i me tog pad ma'i dud sprin gtibs/ /mchod pa'i lha mos dri bsung rnam par 'bul/ /rin chen gdugs mdzes bde gshegs