gling du spyan drangs/ sgra bsgyur gling du sgra bsgyur/ rnam par snang mdzad gling du chos bshad/ lo ni bcu gsum du chos grwa btsugs/ u rgyan skad dang / za hor skad/ kha che'i skad dang / li'i skad/ rgya gar rgya nag skad du bsgyur nas bshad/ de nas rgya gar gyi slob dpon dha na shi la dang / dzi na mi tra dang / ka ba dpal brtsegs dang / cog ro klu'i rgyal mtshan dang / sna nam gyi ban de ye shes sde dang / de rnams kyis sgra bsgyur dang lo tsA ba byas nas/ chos mdo sde dkon mchog brtsegs pa dang / phal po che dang / lang kar gshegs pa dang / mya ngan las 'das pa dang / bka' shes rab kyi pha rol tu phyin pa'i skor ma lus pa dang / rgya nag gi slob dpon ka ma la shI la dang / lo tsA ba rma rin chen mchog gis dpang skong phyag stong pa la sogs pa mdo sde rgya nag ma mang po bsgyur/ slob dpon bo dhi sa twa dang / lo tsA ba dang mchan bu ba rnams kyis mdo sde dang / 'dul ba/ mngon pa gsum gyi gzhung thams cad bsgyur ro/ /gzhan yang sman bla dang / don zhags/ sgrol ma/ rnam rgyal/ rnam 'joms/ gdugs dkar la sogs pa phyi kri yog u pa la sogs mang po bsgyur ro/ /slob dpon bi ma la mi tra/ lo tsA ba snyags dznyA na ku ma ra dri med zla shar gyis bka' rdzogs pa chen po'i skor dang / gsang sngags phyi nang mang po bsgyur ro/ /slob dpon pad ma 'byung gnas dang / lo tsA ba snubs nam mkha'i snying po dang / cog ro klu'i rgyal mtshan gyis sgrub pa bka' brgyad dang / bka' brgyad yongs rdzogs/ gsang sngags rdzongs 'phrang la sogs pa/ gzhan yang drag sngags thog ser bstan srung mang po bsgyur ro/ /de'i skabs su spa gor bai ro tsa nas rgyal mo tsha ba'i rong nas rgyal bu g.yu sgra snying po btang ste ngas rgya gar nas dka' ba spyad nas slob dpon shrI sing has gsungs pa'i chos 'di yang dag pa'i chos yin par 'dug gam mi 'dug ltos la shog cig da lta lo paN mang po tshogs nas bsam yas na sgra bsgyur dang zhus dag mang po byed kyi yod pas der song zhig zer te/ slob dpon bi ma la mi tras bka' rdzogs pa chen po gsungs pa las/ snga dro bi ma la la rgyal po rje 'bangs kyis chos gsan/ phyi dro g.yu sgra snying po la gsan pas/ mnyam kri li li byung bas/ der bod kyi blon po rnams kyang spa gor bai ro tsa na spyugs pa la 'gyod nas slar rgyal mo tsha ba'i rong nas bai ro tsa na spyan drangs te/ dang po rgya gar yul du chos 'tshol bar btang bas gcan 'phrang la sgyu ma'i gser gyis bslus/ rkang mgyogs grub pas rkang mgyogs kyis ma zin/ legs grub gcan 'phrang pas bsad/ nya sul dgros/
(ri sul bgrod/)
sgyu ma bltas kyang gser med pas/ de tshur bcad rkang mgyogs 'phrang srung ba med de drin che/ spa gor bai ro tsa nas sgra bsgyur nyi shu rtsa gcig shes pas gzhan bas rgyal mo tsha ba rong du spyugs pa sdig pa'i dong / sbal ba'i dong / shig dong du bskyur bas ma shi ba/ sa la gnas pa'i byang chub sems dpa' yin pas/ gdan seng ge'i khri gcig brtsegs nas bzhugs so/ /bod kyi rgyal blon rnams kyis kyang spyugs pa la 'gyod pa skyes bshags pa phul/ zhabs spyi bor blangs so/ /de nas bai ro tsa nas chos mang po bsgyur ro/ /lo paN mang pos bka' bstan bcos/ lung man ngag bka'