/nor la 'dod sred che ba yi dwags rigs/ /phyi ma yi dwags byol song rigs/ /tshe la long med 'chi ba mi dran brjed ngas can/ /'dus pa 'bral bar mi ses 'thab rtsod ma byed dang / /bsags pa 'dzad pa'i mtha' yin nor dad ma che dang / /chags na 'ching ba yin pas zhen pa ma che dang / /skyes pa 'chi ba yin pas mi rtag mi dran nam/ /sdig pas dmyal bar skye bas tsha grangs tshugs thabs med/ /ser snas yi dwags skye bas bkris skom sran tshug sam/ /chos med byol song yin pas khyod kyis ma shes sam/ /mi tshe g.yar po yin pas lus po nam zhig bor nas 'gro/ /snang ba sgyu ma yin pas ci la'ang gtad sa med/ /nor rdzas zil pa yin pas nam zad ma shes sam/ /'khor g.yog shul dmar yin pas blo gtad med/ /dgra sdang 'khrul ba yin pas ci yang gtad so med/ /gnyen bshes 'khor ba yin pas tshags sems med par gyis/ /bu tsha lan chags yin pas bu lon 'ded/ /mi tshe g.yeng ma lam la 'dzad pas tshe la long med do/ /'chi bdag 'gug pa'i bya gtong yin pa ma tshor ram/ /gdong dmar bod kyi mi rnams nga la nyon/ /ngan song gsum gyi skyel mar dkon mchog bzang / /tshe 'di'i brten sa bla ma mkha' 'gro bsten/ /thar pa'i chos la lta sgom spyod gsum gyis/ /bod kyi lha skal yin pas thugs rje chen po sgoms/ /mi dge bcu spongs dge bcu dang du longs/ /de ltar byas pas 'dir skyid phyi ma bde/ /da lta bzhugs dang slad nas 'byon pa yi/ /bod 'bangs spyi mthun thugs la de ltar shog /ces gsungs pa ste/ slob dpon gyis bod 'bangs rnams la zhal ta bzhag pa'o/ /de nas bod kyi rgyal po mu tig btsan po dang / blon po rnams kyis slob dpon pad ma 'byung gnas la phyag 'tshal skor ba byas nas zhus pa/ e ma ho/ sprul pa'i sku slob dpon chen po lags/ /bdag bod mtha' 'khob kyi mi chos med pa mon dang 'dra ba la/ sngon gyi rgyal po lha tho tho ri snyan shal gyi sku ring la dam pa'i chos kyi dbu brnyes/ sngon gyi rgyal po srong btsan sgam po yang / thugs rje chen po'i sprul pa yin pas/ ra sa 'phrul snang dang ra mo che la sogs pa mtha' 'dul dang yang 'dul dang mtha' yang 'dul gyi gtsug lag khang brgya rtsa brgyad bzhengs/ dam pa chos kyi srol btod pa bod kha ba can la shin tu bka' drin che/ de nas rgyal po khri srong lde btsan gyis rgyal gar nas slob dpon nyid kyis dbu mdzad pa'i paNDi ta mkhas pa mang po spyan drangs bka' rgyud lung sgrub sde mang po dpag tu med pa ma lus pa bsgyur/ dam pa'i chos dar zhing rgyas par mdzad/ dpal bsam yas lhun gyis grub pa la sogs pa gtsug lag khang mang po bzhengs/ bod thams cad dam pa chos kyis smin par byas/ chos khrims dar gyis mdud pa lta bu bcings/ bod bde ba dang thar pa'i lam la bkod pa bka' drin che/ da yab rgyal po dgung du gshegs/ slob dpon nyid ni rgya gar du gshegs/ bod mun rum dang 'dra bar song nas/ thar pa med par 'gro ba khams che bas/ bod yul 'di byang chub sems dpa' 'phags pa spyan ras gzigs dbang phyug gis bod kha ba can gyi rgyal khams spyi mthun gyi lta skal du zhal gyis bzhes pa'i gdul bya'i zhing khams su gda' bas/ slob dpon chen pos jo bo thugs rje chen po'i gdams pa 'gro ba rigs drug gi sgo bcas nas thar pa chen po'i grong mchog tu 'dren pa sangs rgyas pa'i gdams