ngag gnang bar zhu 'tshal zhes pas/ slob dpon pad ma 'byung gnas kyis lha sras mnga' bdag rgyal po mu tig btsan po la bka' bstsal pa/ bod kyi lha sras mnga' bdag rgyal po kun gson cig bod kha ba can gyi zhing khams 'di/ sngon yang dag par rdzogs pa'i sangs rgyas shAkya thub pa byon pa'i dus su zhabs kyi kyang ma bcags/ gdul bya yang ma mdzad/ dud 'gro'i rgyal khams su yod/ de nas bcom ldan 'das mya ngan las 'da' khar byang chub sems dpa' 'phags pa spyan ras gzigs dbang phyug la lung bstan byin gyis brlabs nas byang chub sems dpa' 'phags pa spyan ras gzigasakyis spre'u dang 'phags ma sgrol mas brag srin mor sprul pa mdzad/ de nas de gnyis kyi mdzad pas mi 'phel bas bod kyi mi rnams pho rnams ni khong col chung la chos la dkar/ lhag par chos zab mo ting nge 'dzin la mos pa yin/ brag srin mo'i rigs ni khrag dmar po dang sha la dga' ba yin no/ /de ltar de gnyis kyi rgyud tshan pa bzhir gyes pa las bod kha ba can gyi 'gro ba mi rnams byung / thugs rje cheno sa 'dul bar lung bstan pas/ de la thugs rje chen po'i gdams ngag zhu ba shin tu legs/ ngo mtshar shin tu che'o gsungs so/ /slob dpon pad ma 'byung gnas kyi drung du/ bod kyi rgyal blon rnams kyis thugs rje chen po'i chos zhus pa'i lo rgyus lags so/ /de nas slob dpon pad ma 'byung gnas kyis bod kyi rgyal po mu tig btsan po dang bod 'bangs rnams la bka' bstsal pa/ thugs rje chen po 'phags pa spyan ras gzigs dbang phyug 'dis/ 'gro ba rigs drug la thugs rjes rgyun mi 'chad par gzigs pa yin pas/ thugs ni snying rje yin la sems can la dmigs pa'i snying rje ni 'gro ba rigs drug la mas bu gcig pa la brtse ba ltar/ thugs rjes 'gro ba rigs drug gi sems can sdug bsngal gyis gdungs pa la zad pa med par gzigs so/ /chos la dmigs pa'i snying rje ni/ oM ma Ne pad me hUM zhes yig 'bru drug po ni/ oM gyis lha ltung ba'i sdug bsngal zhi bar byas nas bde ba thob/ ma yis lha ma yin gyi sdug bsngal zhi bar byas nas bde ba thob/ Nis mi skye 'chi'i sdug bsngal zhi bar byas nas bde ba thob/ pad kyis dud 'gro glen lkugs kyi sdug bsngal zhi bar byas nas bde ba thob/ me yis yi dwags bkres skom gyi sdug bsngal zhi bar byas nas bde ba thob/ hUM gyis dmyal ba tsha grang gi sdug bsngal zhi bar byas nas bde ba thob/ de yang nga rgyal gtsor byas dge bcu spyad nas lhar skyes kyang sdug bsngal las ma 'das/ lha tshe 'phos dus su ltung ba'i sdug bsngal byung ste/ lus la dri mi zhim pa langs/ lus kyi 'od shor/ lha mo rnams dang rtsed 'jo ba rnams kyis bor/ gzhal yas khang gi 'od shor/ ma rmos pa'i lo tog skam/ khrus kyi rdzing bu skam/ dpag bsam gyi shing gi lo ma bog 'dod 'jo ba mo dang / cang shes kyi rta stor/ mngon par shes pa lha'i bsod nams zad pas na ngan song du lhung ba mthong bas/ sdug bsngal la bzod thabs med pa yod pa las/ thugs rje chen po'i spyan gyis gzigs so/ /khong khro dang phrag dog gtsor byas nas dge bcu spyad pas/ lha ma yin du skyes te/ lha dang lha ma yin 'thab pa'i dus su lha bsod nams che bas lha ma yin pham pa mang ste/ mtshon cha'i 'khor los bsnad pa dang / mda' dang / mdung dang / ral gri dang / tho ba dang /