dbyug pas bsnad pas si ba dang / na ba dang / rmas pa dang / lha ma yin nang 'thab pas rtsod pa dang / sdug bsngal drag po bzod par dkar bas tshe 'phos nas ngan song du 'gro ba rang gis shes pas sdug bsngal shin tu che'o/ /mir skyes kyang sdug bsngal las ma 'das te/ dang po mngal gyi sdug bsngal/ skye ba'i sdug bsngal/ khong na gnas pa'i dus ma ltogs tsa na g.yang la btang ba 'dra/ ma 'grangs tsa na brag bar btsir ba 'dra/ ma yis phyin tsa na rlung gis 'khyer ba 'dra/ ma nyal tsa na ri yis mnan pa 'dra/ ma yis drag shul byas tsa na lus 'chag pa 'dra/ ma yis chags pa spyod pa'i dus su tsher ma'i lcag gis brabs pa 'dra/ skye ba'i dus su subs la khad shi la khad/ skyes tsa na lpags pa bshus pa tsam/ pha mas blangs tsa na lus rtsub pa shing tsher gyi gseb tu bzhag pa 'dra/ pang du blangs tsa na byi'u khras khyer ba 'dra/ dar gyi dus su yang skyid pa/ sdug pa/ dar ba/ rgud pa/ dga' ba/ mi dga' ba/ gnen ma 'khyongs pa/ dgra ma thul pa/ las dang bya ba ma grub pa sdug bsngal dpag tu med do/ /rgas pa'i dus su lus kyi 'byung ba zags/ bkrag dang mdangs shor/ dbang po nyams/ mig mi gsal/ rna ba 'on/ lus lji/ gu rtul/ bu dang bu mos mi mthong / kha chu 'dzags/ lce ldib/ bsdad na mi longs sdod na lus rdeb/ nga rgas pa snyam pa'i sdug bsngal rgyun mi 'chad pa yod do/ /'aci ba'i sdug bsngal ni/ gces par byas pa'i lus kyis bor/ 'dus pa'i grogs dang bral/ bu tsha 'khor g.yog gis bor/ nor yod kyang bzhag nas 'gro dgos/ lus sa rdo lta bur bor/ 'chi ba'i dus su sa cha dang / yul gar 'gror mi shes pas sdug bsngal la bzod thabs med do/ /byol song du skyes kyang sdug bsngal las ma 'das te/ mi nor sna rgur skyes kyang mis bkol ba dang / rmod pa dang / rdeg pa dang / khal 'gel ba dang / ri dwags su skyes kyang rngon pas gsod pa dang / nya pas gsod pas dang / gcan gzan gyis gsod pa dang / byol song gcig gis gcig za gsod pa dang / gzhan byol song thams cad kyi sdug bsngal bsam gyis mi khyab pa'o/ /yi dwags su skyes kyang sdug bsngal las ma 'das te/ zas la me 'bar du mthong ba dang / skom la khrag tu mthong ba dang / ltor zas skom mi rnyed/ rnyed kyang gre bar mi shong / gre bar shong yang gsus pa mi khengs/ gsus pa khengs kyang rkang lag gis mi theg pa'i sdug bsngal dpag tu med do/ /zas skom rnyed kyang bza' ba'i dbang med pa'i sdug bsngal dpag tu med do/ /zas skom rnyed kyang gzhan gyis 'phrog pa'i sdug bsngal dang / gzhan yang gshin dang bse rags bya ba nad rang gis shi ba dang ma bral ba dang / mi la nad de 'jug pa dang / brdung gtag gzhan gyis byas pa'i nad dang / dpag tu med pa'i du: dpag tu med pa yod do/ /dmyal bar skyes kyang sdug bsngal las ma 'das te/ tsha ba'i dmyal ba brgyad/ grang ba'i dmyal ba brgyad/ yang sos bya ba nyi ma gcig la lan brgya 'chi/ lan brgya 'tsho/ thig nag bya ba lus phyed tshal du thig gtab nas sog les breg pa/ bsdus 'joms bya ba lcags kyi gtun bur rdung ba yod do/ /ngu 'bod bya ba skyes ma thag tu thag pas btags nas 'o dod 'bod pa dang / ngu 'bod chen po bya ba lcags kyi khang sgrom 'bar bar bcug nas cho nge 'debs pa yod/ tsha ba bya ba zangs