rgya ma khal tshad mar bcug nas 'tshod pa dang rab tu tsha ba bya ba lcags kyi sma pas bzung nas so mal du bsregs pa dang / mnar maid bya ba las kyi rlung gis bsregs nas/ las ris mnan pa dang / sdug bsngal skad cig tsam yang bzod pa'i blags med pa yod do/ /grang ba'i dmyal ba brgyad ni/ chu bur can bya ba las kyi lhag pas chu bur du byung ba dang / chu bur brdol ba can bya ba chu bur rdol nas chu 'bab pa dang / so tham tham bya ba 'khyags nas so sgra tog byed pa dang /
(kyi hud zer ba tshig 'don lugs las btags pa dang /)
uta?pal ltar gas pa bya ba 'khyags nas tshal pa bzhir gas pa dang / uta pal chen po ltar gas pa bya ba tshal pa brgyad du gas pa dang / pad ma ltar du gas pa bya ba tshal pa bcu drug tu gas pa dang / pad ma chen po ltar gas pa bya ba las kyi rlung gis lus dum bu so gnyis su gas pa dang / nyi tshe ba bya ba nyin mo sos nas mtshan mo 'chi ba dang / nyin 'khor bya ba nyin mo 'chi ba'o/ /thun mong gi du kha ni/ me ma mur gyi rdzab la lus nub tsam du 'gro dgos pa dang / ro myags kyi 'dam la 'gro dgos pa dang / spu gri'i lam gyis rkang pa'i sha rus gcod pa dang / ral gri'i char 'bab pa dang / lcags kyi shal ma li sor bcu drug yod pa la 'gro dgos pa dang / de la sogs pa'i dmyal ba'i sdug bsngal la bzod pa'i blags med do/ /de ltar 'gro ba rigs drug gi sems can sdug bsngal gyi rang bzhin las ma 'das pas/ de la thugs rje chen po 'phags pa spyan ras gzigs dbang phyug gis dus rgyun chad med par snying rjes gzigs te/ dmigs pa med pa'i thugs rjes 'gro drug gi 'khor ba rgyun gcod par gzigs te/ oM ma Ni pad me hUM zhes pas/ oM gyis lhar skye ba'i gsayang sa bcad nas lha'i gnas stongs/ mas lha ma yin du skye ba'i g.yang sa bcad nas lha ma yin gyi gnas stongs/ Nis mir skyes pa'i g.yang sa bcad nas mi'i gnas stongs/ pad kyis dud 'gror skye ba'i g.yang sa bcad nas dud 'gro'i gnas stongs/ mes yi dwags su skye ba'i g.yang sa bcad nas yi dwags kyi gnas stongs/ hUM gyis dmyal bar skye ba'i g.yang sa bcad nas dmyal ba'i gnas stongs so/ /de ltar 'gro ba rigs drug gi gnas stongs par byas nas 'khor ba ka nas dag ste byang chub sems dpa'i gnas su 'dren par byed pa/ jo bo thugs rje chen po'i yang snying yi ge drug ma 'di yin no/ /thugs rje chen po snying rje'i gsung gis rigs drug la gzigs pa'i lo rgyus yin no/ /oM ma Ni pad me hUM/ slob dpon pad mas bod kyi lha sras rje 'bangs rnams la bka' bstsal pa/ bod kyi lha sras rje 'bangs rnams gson cig thugs rje chen po'i yang snying yi ge drug ma 'di yin te/ oM ma Ni pad me hUM/ zhes pa 'di lan gcig brjod pa'i bsod nams kyi grangs ni mi chod de/ ku mu ta'i me tog gi sa bon gcig las gyes pa'i grangs ni mi ched de/ de bas yi ge drug ma'i bsod nams 'phel che'o/ /til gcig las grangs kyis mi chod par mang por 'phel te/ de bas yi ge drug ma lan gcig brjod pa'i bsod nams che'o/ /ba tshwa can gyi chu'i thigs pa re re nas grangs kyis mi chod de/ de bas kyang yi ge drug ma lan gcig brjod pa'i bsod nams 'phel che'o/ /yid bzhin gyi nor bu rin po che la byi dor byas te gsol ba btab na dgos 'dod 'byung ste/ de bas kyang yi ge drug