ma lan gcig brjod na de'i yon tan 'phel che'o/ /lo gcig la dbyar gyi char 'bab pa'i char gyi grangs re re nas bgrang bar nus kyi/ yi ge drug pa'i bsod nams kyi grangs
(ni bgrang bar mi nus so/)
gling bzhi ri rab dang bcas pa srang la gzhal ba'i tshad bzung du rung gi/ yi ge drug lan gcig bzlas pa'i bsod nams kyi tshad gzung du mi rung ngo / /gling bzhir btab pa'i 'bru'i tshad gzung bar nus kyi/ yi ge drug pa lan gcig bzlas pa'i bsod nams kyi tshad ni gzung bar mi nus so/ /dud 'gro thams cad kyi spu yod do cog gi grangs ni bgrang bar nus kyi/ yi ge drug pa lan gcig bzlas pa'i bsod nams kyi tshad bzung bar mi nus so/ /yi ge drug pa thugs rje chen po'i yang snying 'di zad pa med do brjod kyang mi lang ngo / /rdo rje lcags kyi ri bo dpag tshad brgyad khri bzhi stong yod pa la/ ka shi ka'i ras 'jam pos bskal pa re re nas phyis kyang 'dzad nus kyi/ yi ge drug pa lan gcig bzlas pa'i bsod nams ni 'dzad mi nas so/ /dbus kyi ri rgyal mchog rab la shan pa ma ru rtses zos na 'dzad nus kyi/ yi ge drug pa lan gcig bzlas pa'i bsod nams 'dzad mi nus so/ /chu bo gang gA'i bye ma la bye'u ti hos gtor kyang 'dzad nus kyi/ yi ge drug pa lan gcig bzlas pa'i bsod nams 'dzad mi nus so/ /gling bzi ri rab dang bcas pa ser kha bser bu rlung gis phog pas 'dzad nus kyi/ yi ge drug lan gcig bzlas pa'i bsod nams 'dzad mi nus so/ /'jig rten gyi khams gling bzhi ri rab dang bcas pa gtun du brdungs nas phye mar byas pa'i grangs bgrang bar nus kyi/ yi ge drug pa'i bsod nams kyi tshad grangs bgrang bar mi nus so/ /gling bzi gling phran dang bcas pa'i skyes pa dang / bud med dang / khye'u dang / bu mo mang po thams cad sa la gnas pa'i byang chub sems dpa'i sa la bkod pa'i bsod nams kyi phung po'i grangs ni bgrang bar nus kyi/ yi ge drug pa lan gcig bzlas pa'i bsod nams kyi phung po'i tshad ni bgrang bar mi nus so/ /'jig rten gyi khams thams cad sangs rgyas kyi ring bsrel gyis bkang ba rin po che sna bdun las grub pa'i mchod rten du gyur pa de la mchod pa rgyun mi 'chad pa byas pa'i bsod nams kyi phung po'i tshad ni bzung bar nus kyi/ yi ge drug pa lan gcig bzlas pa'i bsod nams kyi tshad ni bzung bar mi nus so/ /'jig rten gyi khams gang gA'i klung dang mnyam pa'i sangs rgyas kyi zhing dang / sangs rgyas dang byang chub sems dpa' gyur pa de dag la spos dang phreng ba dang byug pa dang mar re dang zhabs gsil gyi mchod pa rgyun mi 'chad par byas pa'i bsod nams kyi tshad bzung bar nus kyi/ yi ge drug pa lan gcig bzlas pa'i bsod nams kyi tshad bzung bar mi nus so/ /oM ma Ni pad me hUM:zhes pa'i yi ge drug pa ni 'phags pa spyan ras gzigs dbang phyug gi thugs kyi yang snying yin pas/ zhag re la lan brgya rtsa brgyad bzlas na ngan song gsum du mi skye/ skye ba phyi ma la mi lus tob nas 'phags pa spyan ras gzigs kyi zhal matong bar 'gyur ro/ /tha na nyi shu rtsa gcig bzlas na yid gzhung par 'gyur ro/ /thos pa 'din par 'gyur ro/ /dbyangs snyan par 'gyur ro/ /skye ba dran par 'gyur ro/ /chos thams cad kyi don la mkhas par 'gyur ro/ /zhag re la lan bdun bdun brjod na/ sdig pa thams cad 'dzad par