[A:244]gnyis ldan la phyag 'tshal/ ces so/ de nas ra sa dga' ldan de nyid du phyi nang gi spros pa bcad nas lo dgu sku 'tshams dam po la bzhugs so/ de'i dus su ting nge 'dzin gyi bog che bar byung zhing / res 'ga' 'khor ba'i gnas lugs mthong nas zhen pa log ste/ gcig pu mi med pa'i ri khrod du 'gro dgos snyam pa byung gsung / res 'ga' 'khor ba'i rdul gyi rgyu mi dge ba la spyod pa rnams dang / 'brus ngan po rnams kyi sdul mthong nas/ snying rje skyes te/ spyan chab rgyun mi 'chad pa yang byung gsung / res 'ga' rang dge sbyor 'phel zhing / gzhan mched grogs sgom byed pa rnams kyi bsgom khang mthong ba tsam gyis/ yid dga' zhing dag snang chen po skye ba dang / bla ma'i bka' drin dran nas mos gus chen po skye ba dang / res 'ga' chos nyid kyi sku sgyu ma lta bu'i ye shes kyi gzugs brnyan rang gi sems la gnas pa ngo ma shes pa'i sems can rnams la snying chen poskyes nas/ 'di lta bu'i chos nyid zab mo thams cad la ston dgos snyam pa yang byung gsung / res 'ga' nang du snang stong 'od gsal gyi ting nge 'dzin la song ba'i tshe/ bud med kyi glu dbyangs snyan pas bstod pa'i tshigs su bcad pa grag cing / bsgrub khang gi phyi rol thams cad bud med rgyan cha can du ma zhig lag pa sbrel nas skor ba byed cing glu len pa'i snang ba byung / nyams snang