[A:245]dang sgra snyan yin snyams nas mnyam par bzhug kyang / shin tu gsal bar byung nas/ bltas pas ci yang mi 'dug / de nas sgra snyan la rgyun chad med gsung / de la 'di skad ces bstod pa/ gsang sngags thabs mkhas rlung bcu dbang du 'dus/ ting 'dzin sgo mang bye ba du ma gzigs/ sku gsung thugs la mi 'gyur bde bas khyab/ e waM don rtogs dge sbyong la phyag 'tshal/ ces so/ de la sogs pa mnyam bzhag thun re'i nyams myong / gzugs sgra dri ro reg bya'am/ lnga lnganyi shui rtsa lnga'i nyams myong brjod kyis mi lang pa byung / de nas se mkhar chung du bla ma zhang kun spangs chen po'i drung du byon nas/ 'bro pa'i lugs kyi sbyor drug gi 'khrid ngo sprod rgyas pa/ dus 'khor zhabs pa'i snyan rgyu/ ro bcud dpe don/ ye shes spyan bsgrub nyi zla bsgrub pa/ sbas pa mig 'byed la sogs pa mang du zhus shing / dbyar rgyun gnyis tsam der bsgams pas bgo che bar byung gsung / de la 'di skad ces bstod pa/ yang dag bla ma mchog la legs btud cing / mdo rgyud gdams pa'i sgron ma legs bzung nas/ gdul bya'i blo'i mun pa sel mdzad pa/ deg sbyong ye shes sgron ma la phyag 'tshal/ ces so/ de nas yang dga' ldan du byon nas thugs dam mdzad pas/ dpal ri khrod dbang phyug byon nas