[A:243]ma sleb pas/ thugs cung zad skyo zhing yod pa la/ zla ba 'ga' zhig nas be ri dge slong 'das zer nas/ 'dam pa log byung ba la/ bla ma ye pas/ 'dam pa khyod kyis nga'i dge slong bzang po de gang du bskyal/ da lta rang khrid la shog gsung nas/ bka' bkyon pa gsan nas/ dge sbyong gi gsung gi/ nga phyin grogs po bzang po de shi na ngo tsha nas/ bod du 'ong mi nus/ pha kir bsdad na 'chi bas ma phyin pa legs 'dug / bla ma dus 'khor ba la mngon shes byung / bka' drin che gsung / de nas dpal ldan sa skya ru byon nas/ dpon don grub dpal gyi 'das mchod mdzad cing gda'/ de'i tshe bdag la'ang shog gsungs nas/ khyod kyis slob dpon kun dga' shes rab kyi drung du khrid rogs gyis/ sbyor ba yan lag drug pa'i khrid zhu ba yin gsungs nas/ bdag cag gi zhabs tog bgyis te/ ra sa dga' ldan du gdan drangs nas/ bla ma kun dga' shes rab la 'khrid zhus pas/ thugs dam bzang po byung nas/ thugs ches par gyur te/ bsgom mdzad cing dus 'khor rgyud 'grel la slob gnyer mdzad pas/ drang don nges don kun thugs su chung par gyur to/ de la 'di skad ces bsdom/ yang dag ting nge 'dzin la snyams zhugs pas/ bde gshegs snying po chos nyid mngon gsum gzigs/ gsung rab snying po dus 'khor legs dgongs pa/ deg sbyong mkhyen pa