[A:246]man dag bzhi sbyor gyi gdams pa rnams legs par bstan gsung / yang 'gro ba'i mgon po chos kyi rgyal po rin po che bka' rgyud dang bcas pa mngon du byon nas mnyes bzhin pa'i rnam par bzhugs pa la/ bla ma bdag gi bsgrub pa'i lam 'di ma nor ba lags sam zhus pas/ lam ma nor legs kyis bsgrub par gyis shig ces gnang ba thob/ ces gsungs so/ de la 'di skad ces bstod pa/ grub mchog sprul pa'i sku yis rjes lung bstan/ rgyud ldan bla mas byin rlabs legs so gnang / lhag bsam rnam dag bsgrub la rab brtson pas/ grub pa gnyis ldan dge sbyong la phyag 'tshal/ ces so/ de nas sron du byon nas/ ong se ru thugs dam mdzad pa'i dus su/ rmi lam na nam mkha'i dbyings su rin po che sna tshogs las bzhengs pa'i gzhal yas khang chen po'i dbus su rin po che'i khri chen po bshams nas snang / mtha' ma thams cad skye bo'i tshogs lha'i bu lta bu mang pos bskor nas 'dug / khri 'di la su sdod pa yin byas pas/ hor sgom sdod pa yin zer/ de lta bu dag dge'i rmi lam bsam gyis mi khyab gsung / dyun gtor mdzad pa'i tshe/ mi g.yo ba dang sgrol ma la sogs pa yid kyis bsams pa rnams/ mig gis kyang mthong par gsal zhing 'dug / rlung sems cung zad dngas pa'i rtags su 'dug gsung / gnyan par gcod la byon pa'i tshe/ 'di na 'dre dang srin po sha za'i