[A:241]dpon rgan zhang btsun dang / mi chen sang gha la sogs pa'i phyag du legs par sprad cing / dam kha dang / de'i cha rkyen rnams dang / dpon don grub dpal gyi shul ma nye gnas sangs rgyas rgyal mtshan gyi mgo byas pa rnams/ slob dpon chen dharma pha la'i drung du sprad cing / dam kha 'dzin par zhus te/ 'khor du yod pa thams cad bdag nyid chen po'i chag phyi la btang nas/ dge sbyong pa khong rang 'byung rgyun gcod kyi gdams ngag zhus te/ ri khrod 'grim dgongs nas/ gos chen gyi na bza' rnams sbyin gtong du mdzad/ ras thul cig bsnams nas/ mang dkar nyin 'de ru/ slob dpon 'dam pa la rgyun gcod zhu bar chas pa'i zhabs tog la/ bla ma grub pa dpal bas dge bsnyen chung ngu cig tang nas 'gron chas bstegs pas/ sngar bla ma chen pos gnang ba'i 'gu tse dang / phor pa gnyis po las/ thab chas gzhan gang yang mi gda'/ de gnyis dang tsam pa bre 'ga' phad pu cig tu blug nas/ byis pa de la bskur te/ mang kar du byon nas/ rgyun gcod zhus shing / ma cig lab sgron gyi gcod dang gnyis ka gnang nas bsgom pas/ shin tu bzang po byung bas thugs mnyes te/ da ri khrod 'grim pas chog par 'dug / de la gcod dgos snyam nas/ gnyan khrod 'grim pas/ stong lta'i nyam phyogs bzang po byung ngo/ de nas slob dpon