[A:242]'dam pa dang / dge sbyong pa nyid dang / be ri dge sbyong bzang po cig dang / gsum gyis rgya gar du gshegs par byas nas/ dge sbyong pa'i dgongs pa la/ skya bo'i gzhis kha la brten la/ dpon don grub dpal gyi 'das mchod de ma chag par byed du 'jug dgos snyam nas/ mdzad du byon te de dag gi zhal da mdzad cing yod pa la/ slob dpon 'dam pas nged rgya gar du 'gro/ khyed myur bar byon bya ba'i yi ge bskur ba/ bla ma dus 'khor ba chen po 'jad na bzhugs pa'i phyag tu byung nas/ khong pas yi ge snas te/ dge sbyong la zhal da mang du byon/ da lta bskyal pa'i gzhon skyes cig la khyod pas lhag pa mi 'dug / khyod kyi blo sna'i skye lugs de shin tu legs/ 'jig rten gyi zhen pa chod cing / chos bya bsams gyi blo brtan po skyes 'dug / de las lhag pa med/ 'on kyang sku gzhon shing / thos pa mang po ma byas/ gdam ngag gi nyams myong med par ri khrod dang sa mtha' bskor yang / bar chad kyi rgyur 'gyur zhing / bsgrub pa mthar phyin pa dka' ba yin pas/ cis kyang bsgrub pa bya snyams na/ dpal dus kyi 'khor lo'i sbyor ba yan lag drug pa lta bu bsgom zhing / sa chu 'dris pa bod kyi ri khrod 'di tshor bzhugs na 'thad pa yin gsung / 'dzad phyogs su yun ring du bsgor bas/ 'dam pa dpon slob rgya gar du song ba khong pas