[A:9]'byung bas lcags 'brug dang 'grig gi/ chu rta dang sbyar na TIka chen rang du ston pa sangs rgyas pa'i phyi lo nas/ gya gcig pa mya ngan las 'das pa'i bar lo grangs bzhi bcu rtsa drug yod par gsungs pa dang yang 'gal bas bsam par bya da gos la/ pad dkar zhal lung pa lcags sprel la 'khrungs nas/ gya gcig par lcags 'brug la rtsa rgyud gsungs par 'chad kyang TIka chen dang mi mthun no/ / zla bzang gi rjes su lha dbang la sogs [B:9]pa'i chos rgyal drug gis lo brgya brgyar rtsa rgyud bstan cing / rigs ldan grags pa ni rtsa rgyud las/ lo 'di nas ni drug brgya'i los/ / drang srong nams ni smin don du/ / 'jam dbyangs mi bdag grags pa ni/ /
sham bha la zhes bya bar 'byung / /zhes dang / lo 'di nas ni drug
brgya'i lo yis gsal bar mi bdag grags pa sham bha la zhes bya bar 'byung / zhes 'byung ba nyid kyis rtsa rgyud bstan pa nas lo drug brgya'i dus su byung / 'o na mchog mi 'gyur gyi mdor bsdus su 'jam dpal dbyangs kyang nga mya ngan las 'das nas lo drug brgya na sham bha la'i yul du shAkya'i rigs la lha mo rnam par rgyal ma'i mngal nas lha'i dbang ldan gyi sras rigs ldan grags pa zhes bya ba 'byung bar 'gyur ro/ /zhes [B:9a]'byung bas rtsa rgyud bstan pa'i lo dang mya ngan las 'das pa'i lo gnyis gcig tu khas blang ngam zhe na/ mi 'thad pa sngar bshad pas shes la/ nga mya ngan las 'das nas zhes pa'i skad dod rgya dpe rnying pa 'ga' zhig la mi 'byung bas/ de yod pa'i rgya dpe ma dag pa yin zhes dus 'khor ba snga ma
jo nang pa
kha cig gsung ba ltar 'dod do/ /rigs ldan 'di sku tshe lo brgyar