[A:8]phyag na rdo rje'i sprul pa ni/ /
mi bdag zla bzang rdzu 'phrul gyis/ /
rang nyid dpal ldan chos dbyings byon/ /
zhes dang / rgyud phyi mar/ dpal ldan 'bras spungs chos kyi dbyings su stobs bcu pa yis sangs rgyas pa yi rgyud rnams mtha' dag bstan/ zhes dang /
mdor bsdus dang po'i 'grel pa a tsa la garbhas mdzad pa las/ sngon sham bha la'i yul nas rang nyid 'ongs te/ zla ba bzang po nyi ma'i 'od kyis lha mo rnam par rgyal ma'i mngal nas byung ba/[B:8] phyag na rdo rje'i sprul pa'i sku grong khyer bye ba phrag dgu bcu rtsa drug na gnas pa'i rgyal po rnams kyi rjes su bgrod bzhin pas dpal ldan 'bras spungs su dpal dus kyi 'khor lo'i rgyud bstan pa'i ched du dang / sems can mtha' dag gi nye ba'i skal ba dang ldan pa nyid mthong nas 'jig rten pa dang 'jig rten las 'das pa'i dngos grub sgrub pa'i don du gsol ba btab pa ni/ zhes gsungs pa rnams las shes so/ /rgyal po des rtsa ba'i rgyud bsdus shing / 'grel pa stong phrag drug cu pa mdzad nas sham bha lar mi rnams la bstan/ dus kyi 'khor lo'i gzhal yas khang rin po che las grub pa bzhengs te/ lo gcig nas mya ngan las 'das/ 'o na TIka chen de nyid snang bar ston pa sna tshogs kyi lo [B:8a]chu pho rta la sangs rgyas par gsungs pa dang mi mthun no snyam na/ skyon med pa ni TIka chen du ston pa'i 'khrungs lo gsungs zin la mi gsal yang /
don du me rta yin par rjes 'brangs kyi mkhas pa phal mo che bzhed cing /
dgung lo so lnga pa la sangs rgyas pa mdo sngags kyi gsung rab spyi 'grel las