[A:10]bzhugs pa phal cher rtsa rgyud bstan cing / mjug tu bsdus pa'i rgyud me tog 'phreng 'dzin gyi tshigs bcad sum cu pa rtsa ba'i rgyud las btus pa mdzad/ de'i sras rigs ldan padma da kar pos lo brgya'i ring la bsdus rgyud bstan cing / 'grel chen dri med 'od stong phrag bcu gnyis pa mdzad/
de'i sras rigs ldan bzang po nas shin tu bzang po'i bar bdun gyis [B:10]kyang lo brgya brgyar bsdus rgyud bstan/ grags pa mya ngan las 'das nas lo brgyad brgya song ba na rigs ldan shin tu bzang po 'das shing / rgya mtsho rnam rgyal rgyal sar byon/ de'i tshe rgya gar gyi yul phran ma gha ngha'i yul du kla klo'i chos zhugs pa yin pa ni/ rtsa rgyud las/ de nas klu yi lo brgya rnams kyis nges par ma gha ngha'i yul du kla klo'i chos dag 'jug ces dang /
rigs ldan rigs kyi nang nas lag pas bsgyur ba'i dus kyi bu dang tsha bo dag ni 'das gyur pa/ de'i dus su nges par ma gha ngha'i yul du kla klo'i chos dag 'jug ces gsungs pa rnams las shes/ kla klo'i gnas tshad kyang rtsa rgyud las/ de ltar dum bu thams cad du yang dus bzhi'i dus su kla klo'i [B:10a]chos ni rab tu 'jug pa ste/ lo ni brgya dang brgya phrag gcig tu nges par gnas te de nas kla klo'i chos ni nyams pa'o/ /zhes 'byung ba ltar lo grangs stong brgyad brgya yin zhing / kla klo 'joms pa po 'jam dbyangs grags pa'i sprul pa rigs ldan drag po yin pa ni/ rgyud phyi ma las/ de la bco brgyad lo yi brgya phrag bsgyur te brgya yi 'phags pa'i yul gyi ma gha ngha la sogs par/ kla klo rnams kyi grags pa gang dang gang zhig mun can du gyur pa de rnams bdag gi drung phyung ste/ zhes gsungs pas shes/ kla klo'i