[A:11]gnas tshad lo grangs stong brgyad brgya zhes pa yang rags rtsis yin gyi zhib tu rtsis na stong brgyad brgya la rigs ldan drag po'i sku tshe'i smad lo lnga bcus dman pa yin te/ rgyud las/[B:11] kla klo'i tshogs ni 'khor gyi skye bo dang bcas rab tu bcad nas mi yi lo ni brgya phyed na/ rigs ldan grub par 'gyur te/ lha yis bkod pa'i pho brang mtho ba ko la sha yi rgyab tu'o zhes 'byung bas so/ /rags rtsis kyi kla klo'i gnas tshad lo stong brgyad brgya po de ni rgya mtsho rnam rgyal nas drag po'i bar rigs ldan bcu drug gi sku tshe'i tshad kyi lo grangs su 'gyur la/ rgyal po bcu drug po de'i sku tshe lo brgya brgyar byas pa'i lhag ma gnyis brgya po de ni rgya mtsho rnam rgyal dang rgyal ka gnyis kyi lo la bsnan par bya ba yin no/ /cha mnyam du bsnan nam snyam na ma yin te/ lhag ma nyis brgya zhes pa ni rags pa tsam yin pas/
de la gsum bsres pa'i steng nas brgyad cu rtsa gnyis rgya mtsho rnam rgyal [B:11a]gyi brgya'i steng du bsnan zhing / brgya dang nyi shu rtsa gcig ni rgyal ka'i lo brgya la bsnan par bya ba yin no/ /rgyal po gnyis kyi sku tshe'i tshad kyi lo grangs bsdoms pas bzhi brgya dang gsum byung / de la ni me mkha' rgya mtsho'i lo zer zhing / 'di nyid la rtsis gzhi byas nas rab byung la sogs 'das blo bsre bar gsungs te/ rab byung gi lo ni me mo yos so/ /ji skad bshad pa nyid la brten nas rigs ldan bcu drug gi dang po gnyis kyis chos bstan pa'i lo grangs mi 'dra ba'i khyad par shes par 'gyur zhing / kla klo zhugs nas lo ji tsam zhig song ba'i grangs kyang rkyong par 'gyur ba ni/
'grel chen las/ 'dir byed pa la nges pa ni de bzhin gshegs pa'i dus