[A:68]re gsum bzhes pa lcags 'brug la gshegs/ 'gro mgon 'phags pa dang gshegs lo gcig 'bri gung du chos rje gcung gshegs pa'i phyi lo yin/ khro bo 'phan la sras spyan snga grags pa ye shes dang / gnyis mchod pa grags pa rin chen pa dang / dpon [B:69a]rin chen skyabs dang gsum ste/ 'di nas dbus su lha gzigs kyi gdung rgyud spel ba'i srol dod pa yin 'dug grags pa ye shes pa lcags mo sbrul la gdan sar byon/ dpon ngharma pA la sa skya'i gdan sar bton pa dang lo gcig
hor dmag bod du shor te dpon chen kun dga' bzang po bsad pa'ang lo 'di yin/ gdan sar lo brgyad bzhugs pa'i ring nye gnas kyis khri dpon gyi las ka bzung / zhe dgu bzhes pa sa byi lor gshegs/ gnyis mchod pa sa glang la gdan sar byon/ de'i phyi lo lcags stag la sa skya pas 'bri gung bcom/ ti shri grags 'od dang hor gyi rgyal bus stag mgo gnang nas bla dpon sbrags/ 'di'i ring ya tshe rgyal pos gser thog phul bas spyan snga gser thog par grags/ gdan [B:70]sar lo nyi shu rtsa gnyis bzhugs pa'i bco brgyad pa de/ bdag nyid chen po sa skya'i gdan sar byon
se chen gshegs rjes
pa'i me rta lo de yin/ dpon rin chen skyabs la sras slob dpon rgyal mtshan dpal/ tshes bzhi rnying ma ba grags pa rgyal mtshan/ ta'i si tu byang chub rgyal mtshan/ bcu gnyis gsar ma ba grags pa shes rab/ drung bsod nams bzang po ba dang lnga 'khrungs/
dang po nas mched pa der rgyal ba'i gdung rgyud ces zer/ tshes bzhi rnying ma ba phag mo grub pa'i gdan sar byon/ lo lnga bcu rtsa gcig mdzad/