[A:6]lag khang dang / bri ka ma la shI la'i gtsug lag khang bzhengs/ de la sras rgyal po dang paNDi ta dang grub thob dang sdig spyod kyi rgyal po ste bzhi byung ba'i phyi ma la bu dAe wa pA la/ de'i sras rgyal po sa skyong / 'dis slob dpon seng ge bzang pos sher phyogs kyi 'grel pa rnams brtsams pa'i sbyin bdag mdzad par [B:6a]grags na'ang brgyad stong 'grel chen rang du ni dpal ldan chos skyong gis mdzad par bshad do//
sham bha la'i rgyal rabs bshad pa ni/ dus 'khor rtsa rgyud las/
zla ba lha dbang gzi brjid can/ /
zla bas byin dang lha dbang phyug /
sna tshogs gzugs dang lha dbang ldan/ /
grags pa rigs ldan rigs kyang ste/ /
de nas rigs ldan padma dkar/ /
bzang po rigs ldan gsum pa ste/ /
de bzhin bzhi pa rnam rgyal lo/ /
bshes gnyen bzang po phyag dmar dang / /
bdun pa khyab 'jug sbas pa'o/ /
nyi ma grags dang shin tu bzang / /
rgya mtsho rnam rgyal rgyal ka dang / /
rigs ldan nyi ma bcu gnyis pa/ /