[A:7]sna chogs gzugs dang zla ba'i 'od/ /
mtha' yas dang ni sa skyong dang / /
dpal skyong seng ge rnam par gnon/ /[B:7]
stobs po che dang ma 'gags pa/ /
mi yi seng ge dbang phyug che/ /
mtha' yas rnam rgyal rigs ldan dang / /
grags pa rigs ldan de nas slar/ /
de sras 'khor lo chen po can/ /
rigs ldan drag po 'byung 'gyur te/ /
smra mkhas rta mchog ting 'dzin gyis/ /
kla klo'i chos ni mthar byed pa'o/ /
zhes rgyal po zla ba bzang po nas lha dbang la sogs pa'i chos rgyal drug dang / grags pa la sogs pa'i rigs ldan nyi shu rtsa lnga lung bstan/ de yang ston pa zil gnon gyi lo me pho rta la sku 'khrungs nas/ so lnga pa dpa' bo lcags 'brug gi lo la sangs rgyas/ lo phyi ma lcags sbrul gyi nag pa zla ba'i nya nas bzung ste/
rgyal po zla ba bzang po 'khor sham bha la'i grong khyer bye ba phrag dgu bcu rtsa drug gi rgyal phran dang [B:7a]bcas pa la dpal ldan 'bras spungs kyi mchod rten chen por spyir rnal 'byor bla med kyi rgyud thams cad/ khyad par dpal dus kyi 'khor lo'i rgyud stong phrag bcu gnyis pa gsungs pa ni/ rtsa rgyud las/
de nas sham bha lar grags nas/ /