[A:101]
phyogs nas mnyam med rin po che'i dus su btsugs pa'i shing sdong chen po 'ga' zhig 'gyel/ gong nas dpon chen po si tu 'byon pa'i skad byung nas/ bsu ba la bdag 'dam du 'gro dgos byung zhing zla ba dgu ba'i tshes bcu gcig la/ drung rin po che zhabs drung du/ zhal ta zhur 'tshal dbus gling du phyin/ phyag 'tshal zhing byin brlabs zhus pa'i dus su/ byin brlabs sngar bas nan che ba gcig mdzad/ zhal ta sngar bas nan che ba byon/ 'gag la/ dus tshod ngan pa 'dis sems khral dang sdug bsngal chen po byung bar 'dug na'ang / blo bla ma dkon mchog la gtod/ ci byed sems skyed dge sbyor gyis zin par byas pas legs par 'ong ste mchi zhes gsung / bu'i tha ma nyams chung / skal ngan bdag // skyabs rin po che dang / mi lo sum bcu so dgur sangs rgyas dang sems can gnyis su 'grogs pa'i tha ma zhal mthong / gsung thos kyi phyi ma de nyid du gda' 'o/ de nas bdag 'dam du yongs dus/ dpoon chen rgyal ba bzang po'i drung du/ drung gi gsung yig rten na bza' dang bcas pa zhig byung ba na/ sgom chen rgad po de'ang nub ba lang spyod du 'gro la khad gda' bas/ da lan mjal na dga' ba yin te ma mjal/ bstan pa dang rgyal khams spyi la phan pa 'di ltar mdzad par zhu zhes pa 'dug // zla ba bcu pa'i tshes bzhi lnga nas/ bcu gsum bar du bsnyung pa'i rnam pa mi tshor tsam byung 'dug // de'i ring la gsol yang ma chag // phyi nad gi mi rnams dang mja'al 'phrad kyang na re mdzad/ da lan rim gro byed pa dang / na 'dug zer ba'i sbar sbir byung na nga dang mi 'tsham yang yang gsung /