[A:102]
bcu gcig gi nyin/ gnyer pa dbon byang chub dpal 'ongs pas/ steng gi rdzi'u khang po mar ja skol/ khong la dkar yol 'brug rgyab gnang / gnyer pa kha dro ba gcig byon/ me bskongs dro ba gcig thong gsung nas/ dgongs mo 'phyi mo bar du bzhugs/ rdzi'u khang so ma la'ang de ring bde chod pa yin no gsung ba dang / zhal ta dang mnyes pa'i gsung mang du byon/ de bar du bsnyung ba'i rnam pa cher med/ zhag mang rab kyi gong nas nam mkha'ang 'jam po byung bas/ nyin par nyi ma rang la bzhugs pas bde 'bol 'bol byung gsung ba dang / bzhengs bzhugs mdzad dus nga gzugs po bde ru song 'dug gsung / tshes bcu gsum nas dum pa bsnyung du song bas gung thang du'ang sku'i rim gro btsugs/ de'i dgongs 'phros med pa zhig la/ dpon yong gin yod na sang kun slob pa'ang srid de gsung ba gcig byung nas 'dam du gsung yig bskur gda'/ spyir bsnyung zug rang che ba ma byung na'ang gsung tshul dang rnam pa rnams la thams cad blo ma bde bar/ bshes gnyen pas gtso mdzad thams cad kyis/ sman dpyad sku'i rim gri la 'bad pa ston gda' na'ang / rims kyis sku shed je chung la thal zhing / tshes bcu gcig gi srod khor ba la/ bsnyung ba'i rnam pa thams cad zhi/ gzims mal du sku brten bzhin pa la dran po srangs nas thugs dam la/ spyan nam mkha' gzigs shing mos 'dud ga re mdzad pa'i 'phro la/ spyi gtsug tshangs pa'i bu ga nas rlangs du ba phyur ba tsam byung ste/ dpal ldan bla ma dus gsum gyi sangs rgyas sku drin mnyam med rin po che/ rnyed par dka' ba'i yid bzhin gyi nor bu'o/ zhi ba chos kyi dbyings su dmya ngan las 'das par bzhugs pa lags/ de'i dus tsam