[A:10]
de'i sras blon khri gzungs btsan/ de la sras gsum/ khri btsan po 'bar re/ gung zhan btsan po/ khri 'og 'ug rgyal ba/ phu bo rgyun chad/ khri thog rgyal ba mnga' ris stod du gshegs/ gung gnam btsan po'i bu khri rje mang gnyen de nas rim pa zhan brgyud pa/ mu sgrag 'phan gzigs/ lha legs/ lha po/ don po/ gnam lha rgyal/ btsan lha rgyal/ 'gar yang thog rgyal ba/ de la sras 'dra rgyal lo grib tu chad/ 'phan pos ram pa gzung / 'di yan chad 'gar yul ram pa nas so lcags kyi bya khra smad gsum dang lhan du brnyed pa'i yig tshang dang / rgya'i yig tshang thang thu thu han dang / yig tshang las kyang btus so/ rgyal po'i bu 'gar rgyal ba 'byung gnas 'gro ba'i mgon po rin po che'i zhabs la gtugs nas/ chos thob cing grib tu yon bdag gi rtsa ba byas/ de'i sras dpon chen po sangs rgyas dngos grub kyis/ dge 'dun tshal pa'i dpon po byas te/ de yang 'gro ba'i mgon po rin po ches thugs kyi sras dpon chen po dar ma gzhon nu la/ 'jam pa'i dbyangs kyi sprul pa/ se chen rgyal po rgyal bur bzhugs pa la/ lha khang gtad nas dgos mi byas/ chab srid kyi rtsa ba tshugs/ dus phyis lo bcu gnyis su thugs dam 'ba' zhig mdzad/ dgung snying mo mo lug mo ba/ dpon sa lo nyi shu rtsa bzhi mdzad/ dgung lo bdun bcu rtsa lnga la gshegs/ de'i sras spyan