[A:11]
snga chen po rin rgyal gyis/ bstan pa'i phrin las ma dgongs te/ shar rgya mtsho'i 'gram du byon nas dka' ba spyad/ sa'i bdag po rgyal po chen po mnyes par byas/ lung lag rtags dam kha/ dang bcas pa blangs/ tshal pa'i chab srid gzhung ma'i thog tu'ang / yar 'brog // gho shar nub/ bzad chu bum/ kha rag ba/ 'brug pa/ rab btsun pa/ phya/ zhogs/ dar spras/ 'brom glang yor shes pa'i lung blangs/ tshal pa'i mi sde chen mo zhes pa'i bdag mdzad/ gung thang gi khyag khra rtsigs/ lcags ri chen mo btang / sku drin dang phyag rjes shin tu che bar mdzad/ lcags mo sbrrul mo ba dgung lo bzhi bcu/ zhe bzhi la bsnyen brdzogs mdzad/ dpon sa lo nyi shu rtsa drug mdzad pa/ dgung lo bzhi bcu zhe brgyad la gshegs/ de'i sras gsum/ gcen po dge bshes nyi ma shes rab tu byung zhing / bla ma chos kyi rgyal po 'phags pa'i dus su se chen rgyal pos sprad nas/ slob gnyer nye gnas mdzad/ sa skya'i lugs kyi rgyud gdams pa thams cad thugs su chud cing / bla ma mnyes pa'i thugs kyi sras/ slob ma'i thu bor gyur/ chu mo glang gi lo ngo bcu gcig tu dpon mdzad/ dgung lo nyi shu rtsa bdun la gshegs/ de'i gcung po 'tshal pa dga' bde dpal zhes/ rgya bod hor gsum du grags pa thob pa gdan sa rin po che'i zhabs tog tu lus srog thed la bor nas dka' ba spyad cing / rgyal khrims gser gyi gnya' shing khel/ chos khrims dar gyi mdungad pa thebs/ gong ma'i thugs zin/ 'og ma'i 'bangs non/ phyi'i dgra thul/ nang gi gnyen 'khyongs/ se chen rgyal po'i drin gyis