[A:119]
sku tshad pad gdan gyi steng bzhugs nas gtsug tor gyi rtser thug pa la kha mtho bcu gnyis pa/ bde mchog sdom pa 'byung ba'i rgyud dang / 'phags pa sha ri'i bus zhus pa las/ tshag tshud ji ltar bstan pa dang cung zad kyang mi 'gal bar/ kho lag yongs su rdzogs pa/ rgyu rin po che zangs phal ba brgya bzhi bcu rtsa lnga las bzhengs/ gser srang sum bcu rtsa lnga dang zho drug se ba bcu bzhi gsol dbu'i gtsug tor nor bu nyi ma me shem ngang pa'i sgo nga tsam/ mdzod spu'i mtshan mu tig tha nas 'theb chung tsam dang ldan pa/ lha bzo gangs can gyi khrod na mkhas pa dpon mo che rgyal mtshan 'od zer dang / dpon mgon pos mgo byas mkhas pa brgyad kyis bzhengs/ gdan khri dpangs su mtho drug // kyus bdo do/ zheng bdo gang mtho gang ba/ zal khal dgu bcu rtsa drug srang lnga las phul/ bkud gser srang nyi shu rtsa dgu dang zho lnga/ gsol ba zangs mgar ba mkhas pa dpon chen rin chen grub pa bu bzhis bzheengs/ rgyab yol dpangs 'dom de mtho do/ zheng 'dom de sor bzhis chad pa/ zangs khal brgya bcu rtsa bdun/ bkud gser srang sum bcu so lnga dang zho phyed dang do gsol ba/ phul ma mkhan po mkhas pa'i grags pa thob pa dbon mo che rin bzangs pa dang / dpon dkon mchog bzang pos mgo byas 'dras bzhengs/ dpal ldan bla ma dam pa'i gsung gi rten sangs rgyas thams cad kyi longs spyod rdzogs pa'i sku rgyal ba'i gsung rab 'gyur ro cog gi rkyen bkod pa rnams grangs yon tan mkhan po dang bcas pa'i dkar chag gzhan du