[A:120]
gsal/ dpal ldan bla ma dam pa'i thugs kyi rten/ sangs rgyas kyi chos kyi sku dngul gyi mchod rten bkris sgo mangs/ dpangs su mtho phyed dang bcu gsum/ rgya'i ngos re mtho ba bdun bdun/ mtha' bskor mtho nyi shu rtsa brgyad/ ri rab sgo bzhi pa bre bum gdugs char khab gtog dang bcas pa chos kyi 'khor lo bskor ba'i mchod rten yin/ rgyu dngul bre nyi shu rtsa bzhi las brdungs/ rgyan zangs khal bcu bzhi dang srang brgyad la bzod nas/ bkud gser srang bdun zhe lnga gsol ba/ 'phra rin po che intra la dang baiDurgya/ mu tig // mu men/ g.yu rnying la sogs bcos ma ma yin pas spras pa/ phul dang bcas pa'i bzo bo dngul mgar ba bod na mkhas pa dpon mo che bsod nams skyes sprun bzhis bzhengs/ dpal ldan bla ma dam pa'i ye shes kyi rten sangs rgyas thams cad kyi ngo bo nyid kyi sku/ 'dras bag lugs ma sku tshad pad gdan dang bcas pa/ rgyu ra gan gser mdog khal brgya bcu dang srang bcu bdun las bzhengs/ lha bzo gong dang mthun/ sku 'dra lder tsho sku tshad/ rgyu dar zas sman sna/ rin po che'i phye ma 'ba' zhig las bzhengs pa'i lha bzo/ bod kha ba can ni 'gran zla med cing / yon tan thams cad skyes thob kyis shes pas/ sprul pa'i skur grags pa kun mkhyen bsod nams bzang pos bzhengs/ kun mkhyen 'di'i blo gros kyi stobs dang / lag pa'i phul gyis bzo rig pa thams cad kyang mgo bton pa 'gran zla med cing phul du byung ba/ khyad par du 'phags pa sha stag byung ba yin/ sku 'dra gser sku mtho tshad ma lha bzo rin chen dpal gyis bzhengs/ rten 'di dag la