R1250: dpal ldan bla ma dge sbyong chen po zhes pa tshal pa drung chen smon lam pa'i rnam thar du drung chen kun dga' rdo rjes mdzad pa/ {bod yig glog rdul dpe cha/}

  • Pagination (Witness A): 121
[A:121] nye bar mkho ba sgrub pa'i gser shog 'jam dbyangs sngon po/ ri mo ba dbang rdor/ lcags mkhar ba sgo shag // shing bzo ba mkhas pa'i yang rtse phag lha bzo'i brgyud pa dpon me che rdo rje gzhon nu dang / dpon mo che dkar po mgon/ gos bzo ba shes rdor/ rtsig bzo zhal mkhan dang bcas pa thams cad gcig las gcig mkhas te/ thams cad mkhas/ 'grus/ 'grogs bde/ yon tan che'o/ de rnams la rgyags btab pa kun dga' srang grangs su dril bas srang sum bcu so lnga dang zho gsum/ yon zing khugs srang grangs su dril bas srang brgyad brgya dang sum bcu rtsa bzhi zho bzhi/ dus ston dgu la sogs gya nom pas mchod pas mchod par byas/ yon tan mkhyen pa thams cad mchod cing bskul ba'i zhal ta phyag len ni/ rgyal rigs rab tu byung nas 'dul ba'i sde snod 'dzin pa lha dbang phyug rgya mtshan/ sgom chen mchog ldan legs pa'i blo gros/ kun dga' grub dang bcas pas/ phugs sha tsha/ 'phral yid bzo/ gnod 'jug chung la 'khul che/ dkor la ma 'bags shing brtson 'grus skyo dub med pas bgyis/ dngos po thams cad gnyer pa byang chub dpal ldan gyis thabs blo shes gsum/ gnya' skyi 'phrul gsum gyis gya nom par bsgrubs/ kha ta lag len gyis khrems par byas shing / nye gnas pa shakyA 'bum gyis kyang blo dang brtson 'grus kyis 'bad pas/ bar chad med cing mgo thon par dkon mchog gtsug lag khang mchod rdzogs dang bcas pa/ kun 'dzin gyi lo sa pho byi ba zla ba gnyis pa'i tshes bcu dgu nas brtsams te/ zla ba brgyad pa'i bar du phal mo che legs par grub/