[A:131]
mkhan chen bu ston la sogs mkhas pa rnams kyis zhus dag byas nas/ shin tu dag cing gsal la go rims ma nor bar sdebs pa'i glegs bam gser las bzhengs nas/ gnas tha dad du gnod sbyin pa mo'i 'khor lo dang bcas pa so sor tshang zhing sangs rgyas par bzhugs/ drung rin po che de nyid kyis sngon rtsa ba'i bla ma rnams la dbang zhus pa dang / nyid kyis slob ma dbang bskur ba/ sgrub mchod/ sbyin sreg // rab tu gnas pa mdzad tshad kyis dkyil 'khor/ rdul mtshon/ bum chu'i ril bu/ byin brlabs kyi nas sna them par bzhugs/ rab gnas kyi dus 'dir/ dbus gtsang gi bla ma dge ba'i bshes gnyen mkhas grub skyes bu dam pa ngo mtshar byin brlabs dang ldan pa thams cad la zhu ba dang me tog bskur nas/ thugs dam gyis byin gyis brlabs shing bkris gsol ba'i me tog sna mang bar bzhugs/ mchod rdzas rin po che sman/ 'bru/ shing thog la sogs zas kyi bye brag // rtsi bcud/ me tog // dri bzang po/ dar zas kyi na bza'/ cod pan/ bkris pa'i rdzas rnam pa sna tshogs pa dang bcas pa gya nom par bzhugs la lags/ 'di thams cad rten bzhi po 'di na tshang bar bzhugs shing / rten gzhan thams cad phal cher khyad par bgyis bdag go/ de ltar ye shes sems pa khyad par du bzhugs pa lnga bcu rtsa bzhi/ thun mong du bzhugs pa nyis brgya bdun bcu rtsa bdun/ kun dril bas rten gyi rnams grangs su sangs rgyas sum bcu so gcig bzhugs/ nang rdzongs kyang phun sum tshogs gda'/ nang rdzongs kyi dbu skra bzhu nus tsha tsha 'debs nyin me tog char babs/ sku 'dra gnyis kyi