[A:132]
nang rdzongs kyi nyin khyad par du byin brlabs bzhugs nas/ skyabs gnas dam pa dngos su bzhugs pa ltar snang / gzhan pa yang dad gus dam tshig ldan pa'i slob 'bangs rnams kyis rang rang mos pa'i rten du sku tshab bzhengs su gsol ba phal cher gtsug lag khang 'dir rab gnas dus su tshogs pa la/ gser sku sprul sku gsum bcu so gcig // rje rin po che nyid kyis sku 'dra gser sku bcu gnyis te/ gser sku bdun bcu rtsa bdun sku 'dra dar sku bcu/ lder sku sna tshogs bcu drug // thang sku bla ma nyid kyi sku 'dra nyi shu rtsa bzhi/ 'gron gyi thang sku dkyil 'khor lnga bcu rtsa gsum/ zhing khams nyi shu rtsa bzhi/ mchod lha bcu drug // gsung rab bka' 'gyur dang / gser dngul gyi nyi khri tshar gcig // glegs bam gcig // rgyud po ti gcig // bstod 'bum po ti gcig rnams tshogs par gyur/ 'dir ma 'dus pa'i rgya bod la sogs yul gru kun du/ rje rin po che'i sku gsung thugs kyi rten bzhengs pa bgrang las 'das par gda'/ dngul gyi maDal/ snang gsal rgyan 'bar la sogs mchod pa 'bul ba'ang dpag tu med pa byung ngo/ de ltar snod bcud phun sum tshogs pa'i rten mchog tu gyur pa rnams grub nas/ bkra shis kun 'dzin gyi lo dbyug gu zla ba gza' skar dus sbyor tshes grangs phun sum tshogs pa zung gi tshes la/ 'gro ba'i mgon po rin po che'i rgyal tshab bla ma rin po che pa gung thang gi gtsug lag khang du spyan drangs nas rab tu gnas pa'i cho ga 'gro mgon rin po che'i phyag len ji lta bar zhus/ sgo mangs kyi drung du phyi nang gi dkyil 'khor gsum bzhengs nas/ slob dpon bka' bzhi la sogs pas cho ga mdzad/ khong sku khams