[A:133]
bsnyung gin yod pa la/ me tog 'thor ba'i dus nas sku khams dngas/ gsol phye/ yon tan gyi tshes nyi ma shar ba'i dang po la mkhan slob rnam pa dang bcas pa dge ba'i bshes gnyen dge 'dun thams cad kyi bden pa'i stobs kyis/ thugs bskyed smon lam yongs su bskul te/ phyogs bcu'i rgyal ba sras dang bcas pa thams cad spyan drangs nas/ rten dang brten pa thams cad dbyer mi phyed par byin gyis brlabs te/ bkris phun sum tshogs pa'i me tog gsol bas/ lha rnams kyis kyang me tog gi char phab cing / 'ja' tshon gyi sprin la sogs bkris pa'i dge mtshan mtha' yas pa snang zhing / nyi ma'i gung la kun dga' ra ba chen por rab tu gnas pa'i dga' ston bgyis te/ bla ma yang dag pa yongs kyi dge ba'i bshes gnyen dge 'dun 'dus pa rgya mtsho'i tshogs stong phrag lnga tsam la chos ston dang / ja bur gyis bsnyen cing bkur ba 'bul ba me tog // dar 'gyed dang bcas pa 'tshal pa bsam grub kyis bsam sbyor gus pas bsgrubs shing / bzo ba'i gnas rig pa'i mkhas pa chen po rnams la/ drin lan gyi gtang rag 'bul ba/ nang so nas legs par bsgrubs/ de nyin gyi mtshan mo dbus gling du rin po che pas/ dpal 'khor sde pa bka' stod dang bcas pa'i dkyil 'khor du/ sbyin pa'i bdag po thams cad dbang bskur zhing / bla ma yi dam chos skyong dbyer mi phyed pas byin gyis brlabs te/ de ltar bla ma'i thugs dgongs rdzogs pa/ sangs rgyas bstan pa dar ba/ sem can gyi bde skyid du 'phel ba/ 'gal rkyen bar chod zhi ba/ bsam pa don du