[A:22]
'jam rtsub/ thugs kyi 'phrul bag rang gan la la mi gnod cing ci ltar phan par gyur ba/ mdzad pa thams cad don chen po dang ldan pa yin no/ rnam thar 'di lta bu dang ldan pa la skyon med yon tan sdogs pa zhes gdag tu rung ngo/ de lta bu'i skyes thob dang legs par sbyangs pa'i yon tan rmad byung du byung ba dang ldan par skye bo kun gyis shes pas/ dam pa rnams kyis chen por kun bskyangs pas kun gyis bstod cing bkur/ bstan skyong ba dran pa'i bstan pa'i rtsa log phyag 'tshal lo/ bdag nyid chen po 'di'i rnam par thar pa rnams/ chos kyi rjes su 'breng ba'i gang zag dam pa rnon po rnams kyis legs par brtags pas/ sku che ba'i yon tan legs par rtogs te/ skyes bu dam pa yin par nges shing / de dag gis bstod cing bsngags pas/ dad pa'i rjes su 'brang ba'i gang zag phal mo rnams rnams kyang pa'i chos te/ sa'i stengs thams cad du snyan grags pas khyab par gyur/ de'i rgyun dang / sngon gyi rgyu mtshan gyis sa'i bdag po/ mi'i dbang po/ rgyal po chen po brgyud pa blon po'i tshogs dang bcas pa rnams kyis/ sang gi bu bzhin bskyangs shing rim par thugs ma btags nas/ 'jig rten gyi go 'phang chen por dbang bskur te/ dgung lo bcu bzhi pa'i dus su me rag sa/ zung dkar bor gzhis ka/ bye zhing go don la/ se chen rgyal pos 'ja' sar/ drung gi mtshan tshud pa byung / dgung lo bco brgyad par lcags mo glang la/ ol ja du rgyal po'i lung dang / bla ma grags pa 'od zer bris pa'i bka' shog gis/ drung pa 'tshal pa khri bskor gyi dpon la