[A:21]
kyang chos kyi snang ba chen por gyur/ phal pa tshola'ang chos snang gzhan las drag pa yod/ sngon med pa'i bzo rigs khyad par du 'phags pa skyes thob kyis shes rab sprul pa'i bzo ba la bu mang po yang byung ste/ rig byed thams cad sngar las lhag par mkhas shing / gzhan las khyad par 'phags par gyur nas/ dbus gtsang khams su thams cad du gtsug lag khang bzhengs pa la sogs kyi lha bzo/ yi ge pa/ shing bzo/ brtsigs bzo/ rin po che'i mgar ba/ zhal mkhan gyi mtha' brten pa/ yul 'di khungs su byas nas 'bod cing / 'di nas bslang dgos la yul 'di'i yon tan mkhan po dang / bzo rigs thams cad la rab tshad du byed ma 'di byung ba yin mod/ mdor na/ rin po che 'di'i sku gsung thugs kyi spyod lam la/ gnas ngan len gyi dri ma shin tu shas chung / rgod bag dang / snyoms las/ nga rgyal/ bag med kyi spyod pa gang yang mi mnga'/ ngo tsha shes shing khrel yod la/ gong ma rnams kyi rnam thar dang / sngar gyi tshul bzang po la brten nas ha cang bcos ma'ang ma yin/ ha cang rang dga' ma yin/ ngo lkog tu zhum khengs mi mnga' bar shes bzhin du spyod cing / shes bzhin du 'jug pas/ 'jig rten pa'i skad du/ pho tshugs bzang ba/ dang tshugs bzang ba zer ba de yin/ bdag nyid de ltar spyod pa rmad du byung bas/ drung nas 'dug pa thams cad kyang mig 'dren bzang zhing / ya rabs kyi spyod pa 'go ba/ 'khor lo 'bar ngag dang drag por bcos mi dgos par thams cad 'dzem zhing skrag pas non che ba ces pa de byung ba yin/ sku'i rnam 'gyur/ gsung gi/