[A:27]
snyam pa'i blo skyes nas/ lo bcu pa la dpon chen sa'i phyags phyi ma gong du mjal phrad la phyin/ lam sgrogs dka' zhing thag ring / tsha grang dang ngal dub che/ lus sems kyi stobs dang bya ba'i mthong gos ci yang med na'ang / skyabs gnas rin po che de nyid kyis/ thugs kyi dgongs pa gtad cing / bla ma yi dam chos skyong dbyer med kyi ngang nas byin gyis brlabs/ gzhi ma dkon mchog gsum gyi bden sa'i stobs bskul ba'i rim gro bsam gyi mi khyab pa mdzad pa'i nus mthu dang / byes su yang rgya bod kyi mi che chung gang yang / drung rin po che la mi bsam pa med/ 'tshal pa la ma zos pa med pa'i yon tan gyis thams cad kyis phan 'dogs dang mthun byas shing / khyad par du dpon chen pas bu bzhin du nya ra mdzad/ gong na'ang / slob dpon chen po bka' bzhi bas mdzad 'tshal pa'i ban sngags bzang la mang ba yod/ tha'i hri ya' sras la sogs 'tshal pa'i yon bdag bzang po rnams kyis bdag gnyer byed pa'i don gyis/ gzhi byes lam gsum du bar ma byung zhing / sa'i bdag po rgyal po chen po dang / tha'i hrong tha'i hru byung chub sems ma la mjal 'phrad legs/ spyan gyi 'bras ltar brtse ba mdzad/ drung du bzhag // phyag gis reg // gsol ras gnang / mnyes pa'i lung mang po byon/ sdod pa'i rgyugs/ 'gro ba'i 'u lag // phral mkho'i gos gser bre/ dngul bre/ gos dar/ cha'i bre stong phrag la sogs skyes ma'i gnang sbyin/ gang zhus kyi lung / ci dang ci re ba las lhag pa thugs la btags/ bla ma chen po ta'i dben ti shri kun dga' blo gros rgya