[A:28]
mtshan pa dang / mkhan po rin chen grags/ gu shri la sogs dge ba'i bshes gnyen/ rgyal brgyud/ bu mo/ dmag pa/ mi dpon thams cad kyis dpe med par thugs la btags/ khyad par du spyir bod tsam/ sgos su 'tshal pa la phan pa'i bod yig gi 'ja' sa/ 'tshal pa rang gi yig mkhan gyis bris pa dang / dar gan lo gsum gyi 'ja' sa/ gzhan yang 'ja' sa 'ga' dang / gong ma'i thugs dam rdo rje sems pa'i mha khang bzhengs nas/ yi ge brgya pa'i thun 'dzugs pa'i chas la dngul bre gsum/ drung du bre dgu/ gos dar dgu tshan dgu bskur ba dang / tha'i hru'i gnang sbyin/ se chen gyi sku 'dra'i drung du gser gyi spos phor chen mo/ drung du bre bcu sbol kha dang bcas pa bskur/ bod phrug gcig la mjal phrad legs/ thugs 'dogs che zer nas/ nye ring kun gyis gleng zhing / ci bsam 'grub nas bar chad med par lo gcig gi nang du rgya mul 'khor te/ chu mo phag lo zla ba dang po la gdan sar slebs pa ste/ drung 'gro ba'i mgon rin po che de nyid kyi thugs rje byin brlabs phrin las byung ba ma gtogs pa/ bdag rang gi pho sgo/ rang stobs kyi yon tan las byung ba lags/ skabs der ti shri chen po kun bloo ba bod du byon yod pa/ phyir gong du gdan 'dren pa la/ lung gis/ slob dpon bka' bzhi ba dang 'jir ka lang g.yi'uu ching mngags nas byung ba'i dus su/ drud du gnang sbyin 'bol dgon gyi dbu zhwa gcig // 'bol gan gyi slog pa gcig // dngul bre gcig bskur 'dug // gung thang dgos kyi lha khang yin pas/